काठमाडौं : सत्ता गठबन्धनको बैठक बस्दै छ। प्रधानमन्त्री निवास बालुवाटारमा बैठक बिहान ९ बजे बोलाइएको छ। आजको बैठकमा सुदूरपश्चिम...
हटाउन खोजेपछि सुदूरपश्चिमका मुख्यमन्त्री भट्ट प्रचण्ड-नेपाल समूहसँग असन्तुष्ट
पद जोगाउन प्रतिपक्षीसँग सहयोग मागे, सक्दै-नसके सम्हाल्ने जवाफ
पुस १३, २०७७
धनगढी : सुदूरपश्चिम प्रदेशका मुख्यमन्त्री त्रिलोचन भट्ट प्रचण्ड–नेपाल समूहसँग असन्तुष्ट देखिएका छन्।
नेकपा भित्रको विवादपछि खुलेर प्रचण्ड–नेपाल समूहमा लागेका मुख्यमन्त्री भट्टले सो पक्षबाट सहयोग नपाएपछि असन्तुष्ट बनेका हुन्।
आफू लागेकै समूहले मुख्यमन्त्रीबाट हटाउने तयारी गरेपछि मुख्यमन्त्री भट्ट प्रतिपक्ष दल नेपाली कांग्रेससँग छलफलमा जुटेका छन्। आइतबार धनगढीमा कांग्रेस संसदीय दलका नेता रणबहादुर रावलसँग उनले भेटवार्ता समेत गरे।
नेता रावलसँगको भेटवार्तामा भट्टले आफ्नै समूहबाट असहयोग भएको बताएका थिए। उनले पछिल्ला अवस्थामा आफूलाई असहज अवस्था सिर्जना भएको भन्दै आइपरेको खण्डमा सहकार्य गरेर अगाडी बढ्ने प्रस्ताव गरे। छलफल क्रममा वर्तमान राजनीतिक अवस्थाबारे पनि कुराकानी भएको नेता रावलका स्वकीय सचिव धनञ्जय रिमालले बताए।
प्रतिपक्षी नेता रावलले पाँच वर्षसम्म नेकपाबीच नै सहमति कायम गरी सरकार चलाउन सुझाएका थिए। आफूहरुलाई जनताले पाँच वर्ष प्रतिपक्षमा बस्न जनादेश दिएको र अहिले नै सरकारमा जाने तयारी नरहेको उनले जवाफ दिएको बताइएको छ।
कुनै हालतमा सरकार चलाउन नसकेको अवस्थामा मात्रै सम्हाल्ने जिम्मेवारी आफूहरुको रहेको जवाफ रावलले दिएका थिए।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।