अध्यक्ष ठाकुरले संसदीय दलको नेतामा राजेन्द्र महतो चयन गरेको भन्दै संसद् सचिवालयमा दर्ता गर्न पठाएपछि सहमति भाँडिएको हो। अध्यक्ष ठाकुरले पत्र पठाएलगत्तै अर्का अध्यक्ष यादवले पनि संसदीय दलमा कोही नेता चयन नगरेको भन्दै अर्को पत्र पठाएका छन्। दलको विधान समेत नबनेको अवस्थामा दलको नेता चयन हुन नसक्ने उनले दाबी छ। 

यादव भन्छन्, ‘पार्टीलाई सहमतिमा अगाडि बढाउनका लागि ८ र ९ गते कार्यकारिणी समितिको बैठक बोलाइएको छ। त्यसअघिको कुनै निर्णय मान्य हुँदैन।’ 

सत्ता गठबन्धनमा निर्णायक बनेको जसपा भित्रको विवादले राजनीति तरंग पैदा भइरहेको छ। अध्यक्ष ठाकुर पक्षले महतोलाई संसदीय दलको नेता चयन गरेको  मान्य नहुने दाबी गर्दै आएको थियो। 

प्रधानमन्त्री केपी शर्मा ओली नेतृत्वको सरकारलाई निरन्तरता दिने या गठबन्धनको सरकार बनाउने भन्ने विवाद उत्कर्षमा पुग्दा जसपा विभाजनको डिलमा पुगेको थियो। यसअघि ओली संसद्मा विश्वासको मत लिदैगर्दा ठाकुरपक्ष तटस्थ बसेको थियो भने यादवपक्ष विपक्षमा उभिएको थियो। 

पुनः नियुक्तिपछि  ओलीले संसद्मा विश्वासको मत लिने तयारी गर्दैगर्दा अध्यक्ष यादव भने पार्टीभित्र सहमति गरेर एकीकृत रुपमा नै ओलीको विपक्षमा उभिने धारणा सार्वजनिक गर्ने बताएका थिए। 

ठाकुर र यादवबीच सरकारमा नगएर आफ्नै नेतृत्वको सरकार बनाउने पहल गर्ने सहमति बनेको थियो।