काठमाडौं : सत्तारुढ प्रमुख घटक नेकपा (एमाले) का अध्यक्ष एवं पूर्वप्रधानमन्त्री केपी शर्मा ओलीले सत्ता गठबन्धनलाई कमजोर बनाउने कदम चालेको भन्दै न...
एमाले कार्यदलको बैठक : संसद विघटनमा नेपाल पक्षको चासो
जेठ ७, २०७८
काठमाडौं : नेकपा एमालेको आन्तरिक विवाद समाधानका लागि गठित कार्यदलको बैठक सिंहदरबारमा बसेको छ।
शुक्रबार साँझ बसेको बैठक केहीबेरमा सकिएको थियो । बैठकमा पार्टीभित्र भइरहेका पछिल्ला गतिविधिबारे छलफल भएको परराष्ट्रमन्त्रीसमेत रहेका कार्यदलका सदस्य प्रदिप ज्ञवालीले जानकारी दिए।
बैठकमा माधवकुमार नेपाल तर्फका नेताहरुले फेरि पनि संसद विघटन हुन्छ कि भन्ने आशंका व्यक्त गरेका थिए । जवाफमा आफूहरुले त्यस्तो नहुने विषयमा आश्वस्त पार्ने कोशिस गरे पनि निष्कर्षमा भने पुगिनसकेको ज्ञवालीले बताए ।
उनकाअनुसार अर्को बैठक छिट्टै बस्ने गरि टुंगिएको हो। पछिल्लो ३ दिन यता कार्यदलको बैठक बस्न सकेको थिएन।
बिहीबार भएको राष्ट्रिय सभा उपनिर्वाचनमा नेपाल समूहले एमालेका आधिकारिक उम्मेदवार रामबहादुर थापालाई मत नदिएपछि पार्टीभित्र विवाद झनै बढेको छ ।
यसबीचमा राष्ट्रपतिले संविधानको धारा ७६ को ५ अनुसार नयाँ सरकार गठनका लागि आह्वान गरे पछि नेपाल समूह विपक्षी मोर्चामा सहभागी भइसकेको छ। यति हुँदाहुँदै पनि कार्यदलले एकता जोगाउन हरसम्भव प्रयास गरेको ज्ञवालीले बताए।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।