काठमाडौं : ललितपुरको लुनिभा सेकेण्डरी स्कुलले दुई दिने निःशुल्क स्वास्थ्य शिविरको आयोजना गरेको छ। ललितपुर महानगरपालिका&ndash...
थप उपचारका लागि घाइते सांसद वलीलाई काठमाडाैं लगियाे
माघ २५, २०७५
दाङ : दाङमा भएको सवारी दुर्घटनामा परी घाइते भएका प्रदेश ५ सांसद उत्तरकुमार वलीलाई थप उपचारका लागि कोहलपुरबाट हेलिकाेप्टरमार्फत काठमाडौं लगिएको छ।
नेपालगन्ज मेडिकल कलेज कोहलपुरमा भेन्टिलेटरमा राखेर उपचार भइरहेका बेला त्यहाँ सम्भव नहुने भएपछि थप उपचारका लागि काठमाडौंको मेडिसिटी अस्पतालमा शुक्रबार हेलिकाेप्टरमार्फत काठमाडौं लगिएको सांसद वलीका स्वकीय सचिव यमन शाहले बताए।
सांसद वलीको स्वास्थ्य अवस्थामा क्रमिक सुधार भए पनि खतरामुक्त भने भइनसकेको चिकित्सकले बताएका छन्। तुलसीपुरबाट बीरगञ्जतर्फ जाँदै गरेको ना ५ ख ५५२९ नम्बरको यात्रुबहाक बस र बुटवलबाट तुलसीपुरतर्फ आउँदै गरेको सांसद वली चढेको बा १८ च ६८३६ नम्बरको कार बिहीबार पौने पाँच बजेतिर घोराही लमही सडकखण्डअन्तर्गत घोराही उपमहानगरपालिका ३ चिसापानीनजिकै ठोक्किँदा दुर्घटना भएको थियो। साथै दुर्घटनामा परी रुकुम साबिक खलंगा २ मुसिकोटकी २६ वर्षीय रमिता शर्माको बसले च्यापिएर मृत्यु भएको थियो।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।