काठमाडौं : कोशी प्रदेशसभाको बैठक आज बस्दैछ। बैठक दिउँसो १ बजे बैठक बस्नेछ। चैत २६ मा केदार कार्की नेतृत्वक...
ढुक्क भएर काम गर्नुस् : प्रहरी प्रमुख शाह
दैलेख : दैलेखका स्थानीय सरकारका प्रमुखहरूले विप्लव माओवादी समूहसँग सुरक्षा चुनौती देखिएको बताएका छन्। स्थानीय सरकारका प्रमुख–उप्रमुखलगायत वडा अध्यक्ष सम्मलाई पदबाट राजीनामा दिन पत्राचार गरेसँगै चन्दा मागेर धम्की दिएको खुलेको छ। फोनबाट समेत चन्दाको बारेमा कुराकानी गर्ने गरेपछि सुरक्षा चुनौती बढेको भन्दै दैलेखका स्थानीय सरकार प्रमुखहरूले कर्णाली प्रदेशका प्रहरी प्रमुख गणेशविक्रम शाहलाई सुरक्षा चुनौती देखिएका संवेदनशील स्थानहरुमा सुरक्षा बल बढाउन आग्रह गरेका छन्।
कर्णाली प्रदेश प्रहरी प्रमुखसँग गुनासो गर्दै एक गाउँपालिका उपाध्यक्षले भनिन्, 'हामी अनुगमनमा जाँदै थियौँ फोन आयो राम्रोसँग योजना अनुगमन गर्नुहोला कामको प्रभावकारी मूल्यांकन गर्नुहोला स्टिमेटका आधारमा काम भएको छ कि छैन् हेर्नुहोला।' उनले थपिन्, 'तपाईं को हो भन्दा विप्लव हो हामीलाई चन्दा अनिवार्य दिनुपर्दछ नत्र राम्रो हुँदैन भन्नेसम्मका फोनहरु आउने गरेका छन्।'
ढुक्क भएर काम गर्नुस् : प्रहरी प्रमुख शाह
यस्ता धम्कीहरु अहिले दैलेखका ११ वटै स्थानीय सरकारका प्रमुख–उपप्रमुख र वडा अध्यक्षसम्मलाई आएको दैलेखका स्थानीय सरकार प्रमुखहरूले बताएका छन्। कर्णाली प्रदेशका प्रहरी प्रमुख महेश बिक्रम शाहले दैलेखका ११ वटै स्थानीय सरकारका प्रमुखहरूलाई ढुक्क भएर काम गर्न आग्रह गरेका छन्।
उनले भने, 'तपाईंहरु जनताबाट निर्वाचित जनप्रतिनिधिहरू हुनुहुन्छ ढुक्क भएर काम गर्नुहोस् अराजक गतिविधि गर्ने जो कोहीलाई प्रहरीले विशेष ढंगले खोजी गरिरहेको छ।' मुलुक समृद्धितर्फ अगाडि बढ्ने महान् अभियानलाई कसैले पनि अवरोध गर्न नहुने र संविधान विपरीत कार्य गर्ने सबैलाई कारबाही गर्न सरकार तयार रहेको बताएका छन्।
उनले भने, 'विप्लवका गतिविधिहरूलाई सबै मिलेर निस्तेज पार्न सकिन्छ।' संविधानविरुद्ध अहिले विप्लव समूह अगाडि बढेको उनको भनाइ छ। बम विस्फोट हत्या जस्ता गतिविधिहरूमा विप्लप समूह सक्रिए भएकोले संविधानले निषेध गरेका कुराहरू गर्ने राजनीतिक समूह नभएर आपराधिक समूह भएकोले प्रहरीले यस्ता गतिविधिहरुको नियन्त्रण गर्न र यस्ता गतिविधिहरुमा संलग्नलाई पक्राउ गरी कारबाही प्रक्रियाका लागि कडा कदम चाल्ने शाहले बताए।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।