पार्टीको सांगठनिक एकता प्रक्रियामा अध्यक्षद्वय केपी ओली र प्रचण्ड तथा वरिष्ठ नेता माधवकुमार नेपालबीच गुटगत प्रतिस्पर्धा चलिरहँदा उनी कतै खुलेका थिएनन्। तर, सचिवालय बैठकमा थापा एक्लै भए पनि ‘निर्णायक’ पोजिसनमा छन्। त्यसैले थापा तानातानमा परेको समाचार अन्नपूर्ण पोस्ट दैनिकमा छ।

नेकपा सचिवलायभित्र वरिष्ठ नेता नेपाल, झलनाथ खनाल, वामदेव गौतम र नारायणकाजी श्रेष्ठको एउटा गुट छ। अध्यक्ष ओली, महासचिव विष्णु पौडेल र सचिवालय सदस्य ईश्वर पोखरेलको अलग्गै गुट छ। दुई गुट देखापरेपछि थापा एक्लै भए पनि निर्णायक देखिएका हुन्। अर्का अध्यक्ष प्रचण्ड ओली तथा नेपाल दुवै समूहसँग समदूरी सम्बन्धमा देखिए पनि भित्री रुपमा उनी नेपाल पक्षसँग नजिकिन चालेका छन्।