Election Portal
निर्वाचन २०७४ को सम्पूर्ण जानकारी
प्रदेश
जिल्लाः
निर्वाचन क्षेत्र
पार्टी
 |   |   |   | 

राजेन्द्रप्रसाद पाण्डे
धादिङ-१(क)/प्रदेशसभा सदस्य
SHARES
उम्मेदवार परिचय:
दल नेकपा एमाले
पद प्रदेशसभा सदस्य
उम्मेदवारी दिँदाको उमेर ६१ -
प्राप्त मत २७३३२
लिङ्ग पुरुष
हालको पद पोलिटव्यूरो सदस्य
शैक्षिक योग्यता: एम.ए.
अन्य विवरण:

२०१३ सालमा साविकको गजुरी गाविस वडा नम्बर ८ मा जन्मिएका पाण्डे २०४८ यताका संसदीय निर्वाचनमा लगातार उम्मेदवार बन्दै आएका नेता हुन्। यसपटक उनी वाम गठबन्धनको तर्फबाट धादिङ क्षेत्र नम्बर १ को प्रदेशसभा निर्वाचन क्षेत्र नम्बर १ मा उम्मेदवार बनेका छन्।

त्रिभुवन विश्वविद्यालयबाट ग्रामीण विकासमा एम.ए.सम्मको अध्ययन गरेका पाण्डे सक्रिय राजनीतिमा आउनुअघि (२०३४–२०४२) शिक्षण पेसामा आबद्ध थिए। उनले २०३३ सालमा कम्युनिष्ट पार्टीको सदस्यता लिए। त्यसपछि २०३४ देखि नेपाल राष्ट्रिय शिक्षक संगठनको संस्थापकसहित २ कार्यकाल धादिङ जिल्ला अध्यक्ष भएर काम गरे। २०३६ सालबाट ८ वर्षसम्म उनी पार्टीको जिल्ला सचिव भए। पाण्डे २०५० देखि ०५६ सालसम्म नेकपा एमाले बाग्मती अञ्चल कमिटी सचिव र २०५५ सालमा पार्टी केन्द्रीय सदस्य बने भने २०६५ सालदेखि पोलिटब्युरो सदस्य छन्।

२०४३ सालमा राष्ट्रिय पञ्चायत सदस्यमा 'जनपक्षीय उम्मेदवार' भन्दै उम्मेदवारी दिएका पाण्डे पराजित हुन पुगे। यद्यपी २०४४ सालमा जिल्ला पञ्चायत सभापतिमा निर्वाचित भए। पाण्डे प्रतिनिधिसभा सदस्यमा साविकको धादिङ क्षेत्र नम्बर ३ बाट २०४८, ०५१ र ०५६ मा विजयी भएका थिए। २०५१ को निर्वाचन संसदमा एमालेको प्रमुख सचेतक बनेका पाण्डे २०६५ साल जेठ ८ देखि चैत १५ गतेसम्म स्थानीय विकास मन्त्री बने।

२०६४ सालको संविधानसभा निर्वाचनमा माओवादीका शालिकराम जम्कट्टेलसँग फराकिलो मतान्तरले पराजित भएका पाण्डेले २०७० मा भने जम्कट्टेललाई पराजित गर्न सफल भए। यसपटक पनि उनी प्रतिनिधिसभा सदस्यका लागि उम्मेदवार बन्ने मनस्थितिमा थिए। तर, पार्टीका कार्यबाहक जिल्ला अध्यक्ष भूमि त्रिपाठीले प्रतिनिधिसभातर्फ टिकट पाएपछि उनी मुख्यमन्त्रीको दाबीसहित प्रदेशसभा सदस्यको उम्मेदवार बनेका छन्।

तपाईको प्रतिक्रिया दिनुहोस्