विष्णु पौडेल विस २०१६ स्याङजा, पुतलीबजारमा जन्मिएका हुन्। स्थायी ठेगाना रुपन्देही बुटवल ८ मा बनाएका पौडेल बाबु देबिलाल पौडेल र आमा रेवती पौडेलका छोरा हुन्। एसएलसीसम्मको अध्‍यन गरेका पौडेल २०३३ सालबाट एमालेमा आवद्ध छन्। नेकपा एमालेका उपमहासचिव रहेका उनी  ०३५ देखि ०३७ सम्म भूमिगत भएका थिए।  करिव ६ महिना जेल जीवन विताएका पौडेलले त्यसपछि भैरहवा जेल तोडेर भागेका थिए। उनी पूर्व अर्थ, रक्षा, जलस्रोत, युवा तथा खेलकुद र संस्कृति मन्त्री हुन्।