कोभिड-१९ {अपडेट}

भारतबाट फर्केर कन्चपुरकाे क्‍वारेन्टाइनमा बसेका ३१ जनामा देखियाे काेराेना

असार १८, २०७७

    कञ्चनपुर : भारतबाट फर्केर क्वारेन्टाइनमा बस्दै आएका कञ्चनपुरका ३१ जनामा बिहीबार आएको रिपोर्टमा कोरोना संक्रमण पुष्टि भएको छ।

    पिसिआर परीक्षणमा कृष्णपुर नगरपालिकाका २२, शुक्लाफाँटा नगरपालिकाका ८ र बेलौरी नगरपालिकाका एक जनामा संक्रमण देखिएको स्वास्थ्य कार्यालय कञ्चनपुरले जनाएको छ। जसमध्ये छ महिला र २५ पुरुष छन्। 

    क्वारेन्टाइनमा बसेको १४ दिनपश्चात् आरडिटी परीक्षण गर्दा नतिजा पोजेटिभ आएकालाई आइसोलेसनमा राखेर पिसिआर परीक्षण गर्दा नतिजा पोजेटिभ आएको हो। 

    यसअघि कृष्णपुर नगरपालिकामा मात्रै एक सय ३८ जनामा संक्रमण देखिएको थियो। जसमध्ये नगरपालिकाका विभिन्न वडाका आइसोलेसनमा १४ दिन बसेर एक सय जना घर फिर्ता भैसकेका छन्। बिहीबार थपिएका ३१ जनासँगै कञ्चनपुरमा संक्रमितको संख्या ३ सय ४९ पुगेको छ। जसमध्ये १ सय ५० जना उपचारपछि निको भएका छन्। 

    हालसम्म कञ्चनपुरमा समुदायमा कारोनाको संक्रमण भने भएको पाइएको छैन। 
     

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]