सल्यान : सल्यानमा मंगलबार थप सात जनामा कोरोना पुष्टि भएको छ। प्रदेश अस्पताल, पशुपंक्षी रोग अन्वेषण प्रयोगशाला सुर्खेत र नेपालगञ्जमा गरिएको परीक्षणमा सात जनामा कोरोना पुष्टि भएको हो।
संक्रमित हुनेमा त्रिवेणी गाउँपालिकाका ३, कपुरकोट गाउँपालिकाका १, शारदा नगरपालिकाका १ र बनगाड कुपिण्डे नगरपालिकाका २ जनामा कोरोना पुष्टि भएको स्वास्थ्य कार्यालय सल्यानले जनाएको छ।
मंगलबार सात जना थपिएसँगै सल्यानमा कोरोना संक्रमितको संख्या २ सय २३ पुगेको छ। बनगाड कुपिण्डे नगरपालिका वडा न ५ का १५ वर्षीय पुरुष र वडा न ७ का ३२ वर्षीय पुरुष छन्।
कार्यालयका अनुसार शारदा नगरपालिकामा ४, बागचौर नगरपालिकाका ११, बनगाड कुपिण्डे नगरपालिकाका १५१, कुमाख गाउँपालिकाका २६, सिद्ध कुमाख गाउँपालिकाका ३ जनामा कोरोना पुष्टि भएको छ।
यस्तै त्रिवेणी गाउँपालिकामा ८, कपुरकोट गाउँपालिकामा २, दार्मा गाउँपालिकामा १५ र जिल्ला अस्पताल सल्यानमा १ जनामा कोरोना पुष्टि भएको छ। कोरोना पुष्टि भएका मध्ये मंगलबारसम्म १ सय ५८ जना निको भएर घर फर्किसकेका छन्।
तपाईंको ईमेल गोप्य राखिनेछ ।