काठमाडौं : काठमाडौं उपत्यकामा ४२ जना कोरोना संक्रमित थपिएका छन्। शुक्रराज ट्रपिकल तथा सरुवा रोग अस्पतलमा १, पाटन स्वास्थ्य विज्ञान प्रतिष्ठान ललितपुरमा १५ र त्रिभुवन शिक्षण अस्पताल महाराजगन्जमा १२ संक्रमित गरी २८ जना संक्रमित पुष्टि भएको स्वास्थ्य तथा जनसंख्या मन्त्रालयका प्रवक्ता प्राडा. जागेश्वर गौतमले बताए। त्यस्तैगरी, पाटन स्वास्थ्य विज्ञान प्रतिष्ठानमा भक्तपुरका १ र ललितपुरका १३ जना गरी उपत्यकामा आज कुल ४२ संक्रमित थपिएका हुन्।
पछिल्लो २४ घण्टामा १ सय १८ जना संक्रमित थपिएका छन्। देशका विभिन्न २५ वटा प्रयोगशालामा गरिएको पिसिआर परीक्षणमा उनीहरूको रिपोर्ट पोजेटिभ आएको स्वास्थ्य प्रवक्ता प्राडा. जागेश्वर गौतमले जानकारी दिए।
अस्ति बुधबार देशभर २ सय ५५ र हिजो बिहीबार १ सय ८ जना संक्रमित थपिएका थिए। आज शुक्रबार देशभरबाट १२० जनाले कोरोनालाई जितेर संक्रमणमुक्त भएका छन् भने हालसम्म डिस्चार्ज हुनेको संख्या आठ हजार ११ जना छन्।
तपाईंको ईमेल गोप्य राखिनेछ ।