एजेन्सी : विश्व स्वास्थ्य संगठन डब्ल्यूएचओका विज्ञको टोलीले कोभिड–१९ उद्गमस्थल पहिचान अध्ययनको लक्ष्य पूरा गरेको बताएको छ।
‘हामीले अध्ययन गर्न निरन्तरता दिइरहेका विषयमध्ये एउटा कोभिड–१९ को कारक मानिने भाइरसको उद्गमस्थल पनि हो,’ डब्ल्यूएचओका महानिर्देशक टेड्रोस अडानोम गेब्रियससले जेनेभाबाट भर्चुअल प्रेस सम्मेलनमा बताए।
उनले भने, ‘अध्ययनका लागि चीन पठाइएको सङ्गठनका विशेषज्ञको टोलीले आधारभूत काम सकिसकेको छ।’ यी प्रयासको परिणामका रूपमा डब्ल्यूएचओको नेतृत्वमा चिनियाँ विज्ञहरूले टोलीको अध्ययन र कामका लागि आवश्यक सन्दर्भ सर्तहरूको मस्यौदा तयार गरेका बताएका छन्।
‘अन्तर्राष्ट्रिय टोलीमा चीन र विश्वभरका अग्रणी वैज्ञानिक र अनुसन्धानकर्ताहरु सामेल हुनेछन्,’ डब्ल्यूएचओ प्रमुखले बताए।
छिट्टै केही सङ्क्रमणको सम्भावित श्रोत पहिचान गर्न चीनको वुहानमा महामारीविज्ञानसम्बन्धी अध्ययन सुरु हुनेछ,’ उनले भने, ‘यस कामबाट उत्पन्न प्रमाण र परिकल्पनाले दीर्घकालीन अध्ययनका लागि आधार तयार पार्नेछ।
दुई डब्ल्यूएचओ विशेषज्ञहरु मिलेर एक टोलीलाई तीन हप्ता पहिले चीन पठाएका थिए।
तपाईंको ईमेल गोप्य राखिनेछ ।