अर्घाखाँची : शनिबार बिहान दाङको राप्ती राजमार्गस्थित पुलबाट खोलामा ट्रक खस्दा चार जना गम्भीर घाइते भएका छन्।
दुर्घटनामा ट्रक चालक तुलसीपुर उपमहानगरपालिका वडा नम्बर ७ का ३१ वर्षीय गणेश विक, सोही ठाउँका ३२ वर्षीय ईश्वर चन्द, ४० वर्षीय नातिराम चौधरी र ट्रकका सहचालक सल्यान जिल्ला बागचौर नगरपालिकाका २१ वर्षीय रोशन सुनार घाइते भएको प्रहरीले जनाएको छ।
घाइतेमध्ये चन्द र सुनारको अवस्था गम्भीर रहेको इलाका प्रहरी कार्यालय तुलसीपुरका प्रमुख डिएसपी शिबबहादुर सिंहले जानकारी दिए।
चालक विक र चौधरी पनि घाइते भएका छन्। घाइतेहरूलाई तुलसीपुरस्थित राप्ती प्रादेशिक अस्पतालमा प्राथमिक उपचारपछि थप उपचारका लागि बाँकेको कोहलपुर मेडिकल कलेजमा पठाइएको छ।
सल्यानका लागि तुलसीपुरदेखि खाद्यान्न बोकेर जाँदै गरेको लु १ ख ४३६६ नम्बरको ट्रक तुलसीपुर- ४, साततलेस्थित खोलाको पुलबाट खसेको दाङ प्रहरीले जनाएको छ।
तपाईंको ईमेल गोप्य राखिनेछ ।