|

काठमाडौं : सन् २०२० मा कतारमा आयोजना हुने विश्वकप तथा २०२३ मा चीनमा आयोजना हुने एसियाकपको छनोट खेल पुन स्थगित गरिएको छ। कोरोना महामारीका कारण अन्तर्राष्ट्रिय आगमनमा भएको अवरोध, हरेक देशमा बढ्दो कोरोना संकटका कारण एएफसीले २०२१ सम्मका लागि छनोट प्रतियोगिता स्थगित गरेको हो।

एशियन फुटबल कन्फेडेरेसन (एएफसी) ले बुधबार कोरोना भाइरसको महामारीलाई मध्ये नजर गर्दै फिफासँगको छलफलपछि अक्टोबर र नोभेम्बरमा तय गरिएको छनोट खेलहरु स्थगित गरिएको जनाएको छ। 

एएफसीले छनोट कहिले हुने भनेर नयाँ मिति भने घोषणा गरेको छैन। नयाँ मिति कोरोनाको महामारीको परिस्थिति हेरेर तय गरिने एएफसीले जनाएको छ।

छनोटको तयारी सुरु गर्ने क्रममा रहेको नेपालले प्रतियोगिताको दोस्रो चरणमा प्रतिष्पर्धा गरिरहेको छ। यस अघि नेपालले दशरथ रंगशालामा असोज र कात्तिकमा तीन खेल खेल्ने कार्यतालिका भएपनि अब पुन खेल स्थगन सँगै उक्त कार्यतालिका पछि धकेलिएको छ। 

यसअघि एएफसीले असोज २२ गते चाइनिज ताईपेसँग तथा २७ असोजमा अष्ट्रेलियाको सामना गर्ने कार्यतालिका रहेको थियो। यस्तै समूह चरणको अन्तिम खेलमा नेपालले कात्तिकमा खेल्ने कार्यतालिका रहेको थियो।

समूह ’बी’ मा रहेको नेपालको ५ खेलबाट ३ अंक रहेको छ। चाइनिज ताईपेलाई पराजित गरेको नेपाल समूहको चौथो स्थानमा छ। यस समूहको शीर्ष स्थानमा अष्ट्रेलिया रहेको छ। 

नेपालले विश्वकप छनोटमा लागि भदौ १ गतेबाट प्रशिक्षण थाल्ने तयारी समेत गरेको थियो। जसको लागि अखिल नेपाल फुटबल संघ (एन्फा) ले खेलाडीको कोरोना परिक्षण समेत गरेको थियो। यसबीचमा नेपालमा बढ्दो कोरोनाका कारण एन्फा प्रशिक्षणमा अन्योल कायमै थियो। 

तपाईको प्रतिक्रिया दिनुहोस्

तपाईंको ईमेल गोप्य राखिनेछ ।
This site is protected by reCAPTCHA and the Google Privacy Policy and Terms of Service apply.