बस्टन (अमेरिका) : पत्रकार स्व. बलराम बानियाँको परिवारलाई सहयोगार्थ नेपाल अमेरिका पत्रकार संघ (नेजा) ले ३ हजार ५ सय ८२ डलर ७३ सेन्ट संकलन गरेको छ। नेजाले चलाएको सहयोग संकलन अभियानमा शुक्रबार साँझसम्म ३९ जनाले सहयोग गरेका छन्
नेजाका अनुसार दाताहरूले प्रदान गरेको रकमबाट पेपालले नियमानुसार लाग्ने कमिसन शुल्क कटाएर ३ हजार ५ सय ८२ डलर ७३ सेन्ट नेजाको खातामा जम्मा भएको छ।
उल्लेखित रकमबाट ट्रान्सफर चार्ज ३० डलर कटाएर बाँकी रहेको ३ हजार ५ सय ५३ डलर ७२ सेन्टको विनिमय दरअनुसार हुने नेपाली मुद्रा चार लाख २० हजार २ सय ८८ रुपैयाँ नेपाल पत्रकार महासंघलाइ पठाइएको छ।
पत्रकार महासंघका पदाधिकारीहरूले तनहुँ पुगेर १३ औं दिनमा बानियाँको परिवारलाई यो रकम हस्तान्तरण गर्ने व्यवस्था मिलाइएको नेजा अध्यक्ष विकासराज न्यौपानेले जानकारी दिएका छन्।
यस्तै, नेपाली पत्रकारहरूको अन्तर्राष्ट्रिय सञ्जाल (इञ्जा) ले बानियाँको परिवारलाई आफ्नो आपतकालिन कोषबाट १ लाख रुपैयाँ दिने निर्णय गरेको छ।
तपाईंको ईमेल गोप्य राखिनेछ ।