महोत्तरी : मनरासिस्वा नगरपालिका–६ सरपल्लो गाउँमा एकै दिन दुईजनाको शव फेला परेको छ।
जिल्ला प्रहरी कार्यालय महोत्तरीका प्रहरी नायब उपरीक्षक प्रकाश विष्टका अनुसार मंगलबार एकै दिन स्थानीय १६ वर्षीय सुनिल महतो र २० वर्षीया खुश्बु खातुनको शव झुण्डिएको अवस्थामा फेला परेको हो।
सुनिलको शव आफ्नै घरमा झुण्डिएको अवस्थामा फेला परेको हो भने खुश्बुको शव उनको घरदेखि पाँच मिटर उत्तरमा रहेको आँपको बगैँचामा झुण्डिएको अवस्थामा फेला परेको जनाइएको छ। घटनाबारे अनुसन्धान गरिरहेको प्रहरीले जनाएको छ। दुवैजनाको शव परीक्षणका लागि जिल्ला अस्पताल जलेश्वर पठाइएको छ।
तपाईंको ईमेल गोप्य राखिनेछ ।