काठमाडौं : उपत्यकामा बुधबार थप १ हजार ३८ जनामा कोरोना संक्रमण पुष्टि भएको छ। काठमाडौंमा ८ सय २२, भक्तपुरमा ४८ र ललितपुरमा १ सय १४ जना कोरोना संक्रमित थपिएका छन्। संक्रमितमध्ये महिला १ सय ३र पुरुष ६ सय ३५ जना छन्।
काठमाडौं जिल्लामा यतिखेर पहिचान गरिएका १२ हजार ५ सय ७२ सक्रिय संक्रमित छन्। कुल संक्रमित संख्या ७९ हजार ७ सय ६१ जना पुगेको छ। ६६ हजार ८ सय ८२ जना कोरोना संक्रमणमुक्त र हालसम्म ३ सय ७ संक्रमितले ज्यान गुमाएका छन्।
भक्तपुरमा सक्रिय संक्रमित १ हजार ६२, कुल संक्रमित ७ हजार १ सय ९० जना रहेकोमा ६ हजार ४८ जना कोरोना संक्रमणमुक्त भएका छन्। हालसम्म ८० संक्रमितको मृत्यु भएको छ।
त्यसैगरी, ललितपुरमा हालसम्म सक्रिय संक्रमित संख्या २ हजार ५६ जना पुगेको छन्। ९ हजार ४ सय ४१ कोरोना संक्रमणबाट मुक्त भएका, ८८ संक्रमितको मृत्यु र कुल संक्रमित ११ हजार ५ सय ८५ छन्।
तपाईंको ईमेल गोप्य राखिनेछ ।