हेटौंडा : मकवानपुरको राक्सिराङ–४ स्थित ऋद्धिसिद्धी सिमेन्ट सिमेन्ट उद्योगको गिङ्ङु खानी थप समस्याग्रस्त बन्दै गएको छ। आज पनि यस स्थानमा स्थानीयहरुले अवरोध गरेका छन्।
चुनढुंगा उत्खनन क्रममा स्थानीयको घर नै पुरिन थालेको भन्दै तत्काल पुनर्वासको माग गर्दै खानी बन्द गरेर विरोध गरेका हुन्। उनीहरुले आइतबार खानीमा पुगेर नाराबाजी सहित उत्खनन रोकेका थिए।
करिब ६० जनाको संख्यामा पुगेका स्थानीयबासीले तत्काल पुनर्वासको व्यवस्था गर, जबर्जस्ती घरबास उठाउन बन्द गर, उचित मुआब्जा व्यवस्था गर' जस्ता प्लेकार्ड बोकेर विरोध जनाएका थिए।
सुल्झिएन ऋद्धिसिद्धी खानी विवाद : स्थानीयले रोक्न थाले टिपर |
मकवानपुरका प्रमुख जिल्ला अधिकारी गोविन्द रिजालले खानी अनुमगन गर्दै जनताको माग सम्बोधन गरेर खानी सञ्चालन गर्न उद्योगलाई निर्देशन दिएका थिए। तर स्थानीय जनप्रतिनिधिसँग सम्झौता गरी उद्योगले खानी सञ्चालन गरेको थियो। पछि स्थानीयहरुले आफ्ना माग पूरा नभएको भन्दै असहमति जनाएका थिए।स्थानीयको असन्तुष्टिपछि पनि जनप्रतिनिधिले गाउँमा गएर उनीहरुसँग छलफल गर्न सकेका छैनन।
ऋद्धिसिद्धीको अनुगमनमा सिडिओसहितको टोली, जनप्रतिनिधिले ढाँटे |
खानी विभागले हालसम्म गिङ्ङु डाँडामा ऋद्धिसिद्धी सिमेन्टले उत्खनन अनुमति लिइनसकेको जनाएको छ। गिङडु डाँडादेखि गोराङ्दी खोला किनारसम्म भिरालो जमिनमा रहेको बस्ती खानी सञ्चालनपछि उच्च जोखिममा रहने भन्दै खानी विभागको अध्ययन टोलीले बस्तीलाई अन्यत्र सारेर मात्र खानी सञ्चालन गर्न सकिने प्रतिवेदन विभागमा बुझाएको छ।
तपाईंको ईमेल गोप्य राखिनेछ ।