काठमाडौं : इंग्लिस प्रिमियर लिग फुटबलमा एस्टन भिल्ला विजयी भएको छ।
घरेलु मैदानमा भएको खेलमा एस्टन भिल्लाले न्यूक्यासल युनाइटेडलाई २–० ले हराएको हो। एस्टन भिल्लाका लागि दुवै गोल पहिलो हाफमा भएको हो। उसका लागि १३ औँ मिनेटमा ओलिइ वाट्किन्स र ४२ औँ मिनेटमा बेर्ट्रान्ड ट्राओरीले गोल गरेका हुन्।
जितपछि एस्टन भिल्ला १७ खेलबाट २९ अंकसहित आठौँ स्थानमा उक्लिएको छ । पराजित भएको न्यूक्यासल १९ खेलबाट १९ अंकसहित १६ औँ स्थानमा झरेको छ।
लिगको शिर्ष स्थानमा रहेको म्यानचेष्टर युनाइटेडको ४० अंक छ भने दोस्रो स्थानमा रहेको म्यानचेष्टर सिटीको ३८ अंक छ।
तपाईंको ईमेल गोप्य राखिनेछ ।