काठमाडौं : नेपाल कम्युनिष्ट पार्टीको एक समूहका अध्यक्ष पुष्पकमल दाहाल 'प्रचण्ड' ले माघ ९ गते गरिएको शक्ति प्रदर्शनमा कमजोरी भएको बताएका छन्। सो दिन प्रदेश नम्बर ३ बाट सो समूहले हजारौं कार्यकर्ता र सर्वसाधारण जनतालाई शक्ति प्रदर्शनमा उतारेको थियो।
नेताहरू बस्न सडकमा सोफा राखेर गरिएको विरोधसभालाई लिएर सर्वत्र आलोचना भइरहेको छ। तर प्रचण्डले सोफाको प्रसंग भने उल्लेख गरेनन्।
पार्टी कार्यालय परिसडाँडामा बोल्दै प्रचण्डले ९ गते सभा गरिएको मञ्चमा मधेश नझल्किएको भन्दै अब त्यस्तो कमी हुन नदिने बताएका हुन्।
उनले भने, 'काठमाडौंमा अझै ठूलो जनप्रदर्शन गर्ने कार्यक्रम हुन्छ, अब २५ हजार आउनुपर्यो, अब हामीले २५ हजार भन्दा तपाईंहरू ३० हजार आउनुहुन्छ भन्ने विश्वास छ।'
पार्टीको अध्यक्षता र सरकार पालैपालो गर्ने सम्झौता भएकोमा ओलीले नै भत्काएको दाहालले दाबी गरे।
तपाईंको ईमेल गोप्य राखिनेछ ।