माओवादी ४ र एमाले ३ जिल्लामा नील!
माओवादी ४ र एमाले ३ जिल्लामा नील!
काठमाडौं : नेकपा एमाले र नेकपा माओवादी केन्द्रले आगामी मंसिर १० गते पहिलो चरणमा निर्वाचन हुने ३२ जिल्लाका ३७ निर्वाचन क्षेत्रमा भागबण्डा टुंगो लगाएको छ। वाम गठबन्धनको कार्यदलले लामो कसरतपछि ३२ जिल्लामा निर्वाचन क्षेत्र भागबण्डा गरेको हो। जसमा एमालेले २१ र माओवादीले १६ क्षेत्र पाएका छन्।
यससँगै पहिलो चरणमा चुनाव हुने २/२ निर्वाचन क्षेत्र भएका जिल्लाहरु सिन्धुपाल्चोक, नुवाकोट र बाग्लुङमा प्रतिनिधिसभातर्फ १/१ क्षेत्र दुवै दलले बांँडेका छन्। यस्तै धादिङका दुवै क्षेत्र एमालेले पाउने भएको छ भने गोरखाका दुवै क्षेत्र माओवादीको भागमा परेको छ।
यसैगरी भोजपुर र सोलुखुम्बुबाहेक १ नम्बर प्रदेशका अधिकांश हिमाली/पहाडी जिल्ला एमालेको भागमा परेको छ भने ६ नम्बर प्रदेशमा डोल्पा र मुगुबाहेक पहिलो चरणमा निर्वाचन हुने जिल्लाहरु माओवादीले पाउने भएको छ।
हेर्नुहोस् कुन क्षेत्र कसलाई?
एमाले - २१
१ ताप्लेजुङ
२ पाँचथर
३ खोटाङ
४ संखुवासभा
५ ओखलढुंगा
६ दोलखा
७ सिन्धुपाल्चोक– २
८ रसुवा
९ नुवाकोट २
१० धादिङ– १
११ धादिङ– २
१२ मनाङ
१३ मुस्ताङ
१४ म्याग्दी
१५ बाग्लुङ– १
१६ डोल्पा
१७ मुगु
१८ बझाङ
१९ बाजुरा
२० बैतडी
२१ दार्चुला
माओवादी - १६
१ भोजपुर
२ सोलुखुम्बु
३ रामेछाप
४ सिन्धुपाल्चोक– १
५ नुवाकोट– १
६ गोरखा १
७ गोरखा २
८ बाग्लुङ २
९ रोल्पा
१० रुकुम पूर्व
११ रुकुम पश्चिम
१२ जुम्ला
१४ कालीकोट
१५ हुम्ला
१६ जाजरकोट
सबै जिल्लामा दुवै पार्टीलाई एक न एक क्षेत्र सुरक्षित गर्ने भनिए पनि मनाङ, मुस्ताङ, मुगु र बाजुरामा माओवादीले प्रदेशतर्फ पनि कुनै क्षेत्र पाएको छैन भने रोल्पा र दुवै रुकुममा कुनै पनि क्षेत्र एमालेको भागमा परेको छैन।
तपाईंको ईमेल गोप्य राखिनेछ ।