राजनीति

मन्त्रिपरिषद बैठकको निर्णय : हरेक वर्ष बैशाख २ गते विद्यार्थी भर्ना दिवस
SHARES

हरेक वर्ष बैशाख २ देखि १६ गतेसम्म विद्यार्थी भर्ना अभियान संचालन हुने

फाइल फोटो
बैशाख २, २०७६

    काठमाडौं : सरकारले बैशाख २ गते विद्यार्थी भर्ना दिवस मनाउने भएको छ।

    मन्त्रिपरिषदको सोमबार प्रधानमन्त्रीको सरकारी निवास बालुवाटारमा बसेको बैठकले प्रत्येक वर्ष बैशाख २ गतेलाई विद्यार्थी भर्ना दिवस मनाउने निर्णय गरेको हो।

    मन्त्रिपरिषद स्रोतका अनुसार शिक्षा मन्त्री गिरिराजमणि पोखरेलको प्रस्तावमा बैशाख २ गतेलाई विद्यार्थी भर्ना दिवस मनाउनुका अलवा हरेक वर्ष बैशाख २ देखि १६ गतेसम्म सरकारले विद्यार्थी भर्ना अभियान संचालन गर्ने निर्णय भएको छ।

    यो वर्षको विद्यार्थी भर्ना अभियानको नारा पनि तय भएको छ। आजदेखि सुरु भएको यो वर्षको विद्यार्थी भर्ना अभियानको नारा ‘सबै बालबालिकाहरूलाई विद्यालय पठाऊँ, नेपाललाई शिक्षितको देश बनाऊँ‘ रहेको छ।

    गतवर्षदेखि सरकारले विद्यार्थी भर्ना अभियान चलाएको हो। विद्यार्थी भर्ना अभियानका क्रममा गत वर्ष प्रधानमन्त्री केपी शर्मा ओली, पूर्वप्रधानमन्त्री तथा नेकपाका अध्यक्ष पुष्पकमल दाहाल प्रचण्डलगायत नेताहरूले विभिन्न जिल्लाका विपन्न विद्यार्थीको अभिभावकत्व ग्रहण गरेका थिए।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४/९८४१३०४३९१ (प्रेम)
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]