मनोरञ्जन

अष्ट्रेलियामा नेपाली फेशन शो, विजेताले २ लाख रुपैयाँ पाउने
SHARES

जेठ १, २०७६

    नेपाली फेसनको प्रबर्धन गर्न अष्ट्रेलियाको सिड्नीमा फेसन शो हुने भएको छ।

    आगामी जुन २ मा सिड्नीस्थित होटल सोफिटेलमा आयोजना हुने प्रतियोगितामा २० जना महिला र १० जना पुरुषबीच प्रतिस्पर्धा हुने आयोजनक डिजिटिल जेनेरेशनका निर्देशक दीपक ज्ञवालीले जानकारी दिए।

    प्रतिस्पर्धीबाट उत्कृष्ट महिला तथा पुरुष प्रतियोगीले जनही दुई लाख रुपैयाँ प्राप्त गर्ने बताइएको छ। 'ग्ल्याम नेपाल इन्टरनेशनल' टाइटल दिइएको प्रतियोगितामा पिपल्स च्वाइस अवार्ड विधा समेत रहेको छ। ती उपाधी हात पार्नेले विभिन्न फेशन शोमा सिधै प्रतिस्पर्धाको अवसर पाउनेछन्।

    यस्तै विजेता महिलाले फिलिपिन्समा यहीँ वर्ष हुने फेस अफ ब्युटी इन्टरनेशनलमा सहभागिता जनाउन पाउने आयोजकको भनाइ छ। नेपालको फेशनलाई अन्तर्राष्ट्रिय मञ्चमा चिनाउन फेशन शोको आयोजना गरिएको ग्ल्याम नेपाल इन्टरनेशनलका सद्धभावना दुत सुनोद श्रेष्ठले बताए।

    ‘फेशनमा महिला र पुरुष दुवैलाई समानअवसर प्रदान गर्दै नेपाली फेशनलाई अन्तर्राष्ट्रिय मञ्चमा समेत चिनाउने प्रयास हामीले जारी राखेका हौँ’, श्रेष्ठले भने।

    प्रतियोगिताको निर्णायकमा मनिष राई, मुक्ला श्रेष्ठ, युबी थापा, सविता कार्की र नीति शाह रहने बताइएको छ।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४/९८४१३०४३९१ (प्रेम)
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]