समाज

काज पठाएको ठाउँमा नगएपछि उपसचिव कार्की निलम्बित
SHARES

जेठ २६, २०७६

    रौतहट : रौतहटको गौर नगरपालिकाका प्रमुख प्रशासकिय अधिकृत उपसचिव सुमन कार्की २ महिनाका लागि निलम्वनमा परेका छन्। संघीय मामिला तथा समान्य प्रशासन मन्त्रालयले उपसचिव कार्कीलाइ २ महिनाका लागि गत शुक्रबार निलम्बन गरेको हो । 

    मन्त्रालयले खटाएको कार्यालयमा हाजिर हुन अटेर गरेपछि प्रमुख प्रशासकीय अधिकृत कार्कीलाई निलम्बन गरिएको संघीय मामिला तथा समान्य प्रशासन मन्त्रालयका सचिब यादब प्रसाद कोइरालाद्वारा हस्ताक्षरित पत्रमा जनाइएको छ ।  

    उपसचिव कार्कीलाई यही जेठ १ गते शैल्यशिखर नगरपालिका दार्चुलामा काजमा खटाइएको थियो। त्यसपछि मन्त्रालयले ३ दिनभित्र हाजिर हुन पत्राचार र मौखिक निर्देशन दिएको उक्त पत्रमा उल्लेख छ । 

    उपसचिव कार्कीले त्यसको अवज्ञा गरेपछि निजामती सेवा नियमावली २०५० को नियम १२४ बमोजिम २१ दिन भित्र बरबुझारथ गरी खटाइएको कार्यालयमा नगई गौर नगरपालिकामा बसेकाले निजामति सेवा ऐन अनुसार २ महिनाका लागी निलम्बन गरेको मन्त्रालयले जनाएको छ । 

    यसैबीच संघीय मामिला तथा सामान्य प्रशासन मन्त्रालयले कार्कीको सरुवा गर्दै त्यही नगरपालिकाका आलेप अधिकृत सरोजकुमार लाल दासलाई जेठ १७ गते गौर नगरपालिकाको निमित्त प्रमुख प्रशासकीय अधिकृत तोकेर जेठ १७ गते पठाएको थियो । 

    आलेप अधिकृत दासलाई नगरपालिकाले प्रमुख प्रशासकीय अधिकृतको रुपमा नस्वीकार्ने नगर प्रमुख अजय गुप्ताले बताए । मन्त्रालयले स्थानीय सरकार सञ्चालन ऐन बिपरित प्रमुख प्रशासकीय अधिकृत तोकेको नगर प्रमुख गुप्ताले बताए।

रमेश तिमल्सिना

पत्रकार तिमल्सिना थाहाखबरको रौतहट जिल्ला संवाददाता हुन्।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४/९८४१३०४३९१ (प्रेम)
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]