समाज

क्रिकेट रंगशालामा डोजर : मुख्य आरोपी कँडेलसहित चारजना रिहा
SHARES

घटनाबारे कँडेलसहितले क्षमा मागे

जेठ २७, २०७६

    चितवन :  चितवनको रामपुरमा निर्माणधीन गौतम बुद्ध अन्तराष्ट्रिय क्रिकेट रंगशालाको अस्थायी बार भत्काएको आरोपमा पक्राउ परेका मुख्य आरोपी प्रकाश कँडेलसहित ४ जना छुटेका छन् । कँडेलसहित भैरव वास्तोकोटी, धुव्र चापागाईं र सुरेन्द्र विक रिहा भएका हुन् । 

    उनीहरुलाई आइतवार राति हाजिरी जमानीमा छाडिएको जिल्ला प्रहरी कार्यलय चितवनले जनाएको छ । अनुसन्धान अधिकृतले आवश्यक परे फेरि बोलाउने गरी हाजिरी जमानीमा छाड्न सक्ने प्रावधान अनुसार रिहा गरिएको प्रहरी नायव उपरीक्षक दीपेन्द्र साहले बताए । 

    उनीहरुलाई प्रदेश सांसद विजय सुवेदी र भरतपुर महानगर प्रमुख रेनु दाहालको उपस्थितिमा फेरि गल्ती नदोहोर्याउने शर्तमा रिहा गरीएको प्रहरीले जनाएको छ । 
    घटनाबारे क्षमयाचना

    रिहा भएका चारैजनाले गल्ती गरेको भन्दै विज्ञप्ति निकालेर क्षमायाचना गरेका छन । उनीहरुले रंगशाला निर्माण अघि बढाउन धुर्मुस–सुन्तली फाउण्डेसनलाई आव्हान पनि गरेका छन् । 

    जस्तापातासहितको तारबारमा डोजर लगाएको आरोपमा प्रहरीले १८ जनालाई पक्राउ गरेको थियो । जसमा १४ जना यसअघि नै रिहा भइसकेका छन्। 

    रंगशाला निर्माणस्थलबाट दक्षिणतर्फका असन्तुष्ट स्थानीयले पक्राउ परेकाको रिहाईको माग गर्दै वडा कार्यालय, भरतपुर महानगर हुँदै जिल्ला प्रहरी कार्यालयमा धर्ना दिइरहेका थिए । 

    तारबार भत्काएपछि असुरक्षाको कारण देखाउदै धुर्मुस–सुन्तली फाउण्डेसनले निर्माणका सम्पर्ण काम स्थगित गरेको छ । 

उर्गेन तामाङ

तामाङ थाहा खबरका चितवन समाचारदाता हुन्।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]