काठमाडौं : रामेछापमा बस दुर्घटना हुँदा २ जनाको मृत्यु भएको छ।
दोरम्बा गाउँपालिका ६ लखनपुर जाँदै गरेको बस बिहीबार साँझ दुर्घटना हुँदा घाइते मध्ये दुईजनाको उपचारका क्रममा धुलिखेल अस्पतालमा मृत्यु भएको रामेछापका प्रहरी उपरीक्षक सन्तोषकुमार भट्टाराईले जनाकारी दिए।
मृत्यु हुनेमा रामेछाप दोरम्बा गाउँपालिका ६ लखनपुरका उद्धव गौतम र हरिबहादुर कार्की रहेका छन्। काठमाडौंबाट रामेछापको लखनपुरको रिठ्ठे जाँदै गरेको अरनिको कोशीपारि यातायातको बा २ ख ७२४२ नम्बरको बस लखनपुरको बराको रुख घुम्तीबाट करिब २ सय मिटर तल खसेर दुर्घटना भएको भट्टराईको भनाइ छ।
घटनामा २० जना घाइते भएको र घाइते मध्ये ७ को अवस्था गम्भीर रहेको छ। उनीहरुलाई उपचारका लागि धुलिखेल अस्पताल पठाइएको जिल्ला प्रहरी कार्यालय रामेछापले जनाएको छ।
तपाईंको ईमेल गोप्य राखिनेछ ।