समाज

प्रहरीले उठायो जलिरहेको शव, सातजना मलामी पक्राउ
SHARES

असार २४, २०७६

    जनकपुरधाम : धनुषाको सबैला नगरपालिका १ का शत्रुधन यादवकी १४ वर्षीया छोरी पिंकी यादवले सोमवार मध्यरातमा आत्माहत्या गरिन् ।

    उनका परिवारले प्रहरीलाई खबर नगरी शव चलाउन खोजे। यो घटना थाहा पाएपछि प्रहरीले चिताबाटै शव उठाएर पोष्टमार्टमका लागि जनकपुर अञ्चल अस्पताल ल्याएको छ ।

    दागबत्ती दिइसकेपछि शव जल्न सुरु भएको अवस्थामा प्रहरी पुग्दा मलामीहरुको भगाभाग भयो । घरदेखि करिब २ किलोमिटर टाढा खेतमा लगेर बालिकाको दाहसंस्कार भइरहेको थियो । प्रहरीले शवका साथै घटनास्थलबाट सातजना मलामीलाई पक्राउ गरेको छ । उनीहरुको नाम सार्वजनिक गरिएको छैन।

    घटनाबारे जानकारी नै नदिई दाहसंस्कार गरिरहेको सूचना पाएपछि प्रहरीको टोली पुगेर शव पोष्टमार्टमका लागि जनकपुर अञ्चल अस्पताल ल्याएको जिल्ला प्रहरी कार्यालय धनुषाका डिएसपी रामेश्वर कार्कील जानकारी दिए । 

    उनका अनुसार आत्महत्या भनिए पनि छिमेकील घटना शंकास्पद रहेको जानकारी गराएका छन् । जानकारीबिना नै शव दाहसंस्कार गर्न लागेकाले घटना शंकास्पद रहेको जनाउँदै उनले अनुसन्धान सुरु गरिएको बताए। 
     

सन्तोष यादव

यादव थाहा खबरका धनुषा समाचारदाता हुन्।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]