समाज

शिक्षकको कुटाइबाट घाइते बालकको उपचारका क्रममा मृत्यु
SHARES

असार २५, २०७६

    कञ्चनपुर : कञ्चनपुरको भीमदत्त नगरपालिका-१७ मझगाउँमा रहेको महाकाली बाल विद्यालयका कक्षा नौ मा अध्ययनरत छात्र माधव कलौनीको शिक्षकको कुटाइबाट मृत्यु भएको छ। शिक्षकको कुटाइबाट घाइते भएका कलौनीको उपचारका क्रममा मंगलबार राति मृत्यु भएको हो। उपचारका क्रममा कलौनीको भारतको राममूर्ति अस्पताल भोजिपुरामा मृत्यु भएको उनका आफन्तले बताएका छन्।

    विद्यालयका सहपाठीसँग झैझगडा गरेको विषयलाई लिएर शिक्षकले असार १३ गते माधवलाई कुटपिट गरेको मृतकका मामा पुष्पमणि जोशीले बताए।

    कुटपिटबाट कलौनीको टाउको, छातीमा चोट लाग्नुका साथै दायाँ खुट्टा भाँचिएको थियो। विद्यालयका प्रध्यानाध्यापक यशोदा जोशीले असार १५ गते माधवलाई उनका बुबा जिम्मा लगाएकी थिइन्।

    कुटपिटमा संलग्न भएको आशंकामा विद्यालयका प्रध्यानाध्यापक यशोदा जोशी, शिक्षक दुर्गादत्त पाठक, लक्ष्मण भट्ट र हर्क जाग्रीलाई सोधपुछका लागि नियन्त्रणमा लिईएको जिल्ला प्रहरी कार्यालय कञ्चनपुरका प्रहरी उपरिक्षक जनकराज पाण्डेयले बताए। 

    कुटपिट गरेको वा नगरेको बारे अनुसन्धान पछि मात्रै थाहा हुने उनले बताए। मृतकको शव भारतबाट आएपछि शव परीक्षणपश्चात् पीडितको जाहेरीका आधारमा कारबाही प्रकृया अगाडि बढ्ने उनले बताए।  

    यसैबीच, शिक्षकको कुटाइबाट मृत्यु भएका कलौनीको घटनाको कञ्चनपुरका ६ वटा विद्यार्थी संगठनले निष्पक्ष छानविनको माग गरेका छन्।

    अनेरास्ववियु, नेविसंघ, अखिल क्रान्तिकारी, अखिल छैटौँ र विप्लवनिकट क्रान्तिकारीले छुट्टाछुट्टै विज्ञप्ति जारी गरी घटनाको छानबिन गरेर दोषीमाथि कारबाहीको माग गरेका छन्।  

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]