राजनीति

भारतीय दूतावासमा महिला सांसद : को को पुगे? के के भयो कुराकानी?
SHARES

भारतीय राजदूतावासमा नेपाली महिला सांसदहरू
साउन ६, २०७६

    काठमाडौं : प्रतिनिधिसभा र राष्ट्रिय सभाका केही महिला सांसदहरुसँग नेपालका लागि भारतीय राजदूत मञ्जिभसिंह पुरीले सोमबार छलफल गरेका छन्। सोमबार अपरान्ह लैनचौरस्थित भारतीय दूतावासमा संसदमा महिलाहरुको उपस्थिति र भूमिका तथा देशको वर्तमान अवस्थाबारेमा छलफल भएको थियो । 

    छलफलमा संघीय संसदको प्रतिधिसभा र राष्ट्रिय सभा अन्तर्गत सत्तारुढ नेपाल कम्युनिस्ट पार्टी, प्रमुख प्रतिपक्षी दल नेपाली कांग्रेस, राष्ट्रिय जनता पार्टी, नेपाल र समाजवादी पार्टीका सांसदहरु सहभागी थिए। सांसदहरुले नेपालस्थित भारतीय राजदूतले चिनजान र अनौपचारिक छलफलका लागि आफूहरुलाई बोलाएको बताएका छन्। 

    भारतीय राजदूतसँग छलफलका लागि सत्तारुढ दल नेकपाकी सांसद कोमल वली, नवीना लामा, कांग्रेसका सांसदहरू चित्रालेखा यादव र सीतादेवी यादवसहित १५ जना सांसदहरू दूतावास पुगेका थिए। भारतीय राजदूत र नेपाली महिला सांसदहरूबीच संसदको छलफल प्रक्रिया र बहस, कानुन निर्माणको तरिका र तिनमा महिलाको भूमिकाबारेमा राजदूतले चासो राखेका थिए।

    यसअघि सरकारले भारतीय तरकारी तथा फलफूलमा विषादी परीक्षणलाई लिएर दुई देशबीच तनावको अवस्था भएका बेला सम्पादक र व्यवस्थापकहरुको एउटा टोली भारतीय दूतावासले गरेको रात्रिभोजमा सहभागी हुन पुगेका थिए। 

     

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]