समाज

धनुषामा विंगर र टेम्पो आपसमा ठोक्किँदा तीनको मृत्यु, २ घाइते
SHARES

साउन १२, २०७६

    जनकपुरधाम : धनुषाको जनकपुर–महेन्द्रनगर सडक खण्डमा आइतबार साँझ विंगर र टेम्पो आपसमा ठोक्किँदा तीन यात्रुको मृत्यु भएको छ। घटनामा दुई जना घाइते भएका छन्।

    महेन्द्रनगरबाट जनकपुरतर्फ आउँदै गरेको ना १ ज ७०२२ नम्बरको विंगर र जनकपुरबाट महेन्द्रनगरतर्फ जाँदै गरेको ज १ ह ४८९६ नम्बरको टेम्पो क्षीरेश्वरनाथ नगरपालिका ४ मा आपसमा ठोकिएको हो। घटनामा क्षिरेश्वरनाथ नपा ३ का ७२ वर्षीय रामदेव साह, सिरहाको इनर्वाकी २७ वर्षीया रेखा यादव र टेम्पो चालक रोशण साहको मृत्यु भएको जिल्ला ट्राफिक प्रहरी कार्यालय जनकपुरले जनाएको छ।

    वृद्ध साह र महिला यादवको घटनास्थलमै मृत्यु भएको छ भने क्षिरेश्वरनाथ नपा ३ कै चालक साहको उपचारका लागि जनकपुर ल्याउँदै गर्दा मृत्यु भएको हो। घटनामा गणेशमान चारनाथ नगरपालिकाको वीरेन्द्र बजारकी गीता पासवान र नाम खुल्न नसकेका एक यात्रु घाइते भएका छन्।

    घाइते दुवैको स्थानीय अस्पतालमा उपचार भइरहेको छ। अहिले घटनास्थलमा ठूलो संख्यामा सर्वसधारणको भीड लागेको छ।

     

     

सन्तोष यादव

यादव थाहा खबरका धनुषा समाचारदाता हुन्।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]