२८ मध्ये दुई वाणिज्य बैंकले नाफा घटाए, कसको नाफा कति?

काठमाडौं : २८ वाणिज्य बैंकले अघिल्लो आर्थिक वर्षको तुलनामा आर्थिक वर्ष २०७५/७६ मा १३ अर्ब २४ करोड ८९ लाख रुपैयाँ  नाफा वृद्धि गरेका छन्। २८ मध्ये दुई वटा बैंकले मात्रै गत वर्षको तुलनामा नाफा घटाए पनि २६ वाणिज्य बैंकले भने नाफा बढाएका छन्।

आर्थिक वर्ष २०७४/७५ मा ५२ अर्ब ३४ करोड २५ लाख ७९ हजार रुपैयाँ नाफा कमाएकोमा आर्थिक वर्ष २०७५/७६ मा २४ प्रतिशतको वृद्धिदर कायम गरी ६४ अर्ब ९८ करोड ७८ लाख ७४ हजार रुपैयाँ नाफा पुर्‍याएका हुन्।

राष्ट्रिय वाणिज्य र एनआइसी एसियाको प्रतिस्पर्धा

अघिल्लो आर्थिक वर्षको तुलानमा गरिको नाफा वृद्धिदरका आधारमा सबैभन्दा बढी एनआइसी एशिया बैकको प्रगति देखिएको छ। यो बैंकले अघिल्लो आर्थिकव २०७४/७५ को तुलनामा २०७५/७६ मा एक अर्ब ७२ करोड रुपैयाँ बढी नाफा बढाएको छ। सोही अवधिमा राष्ट्रिय वाणिज्य बैंकले एक अर्ब ६६ करोड ९१ लख रुपैयाँ नाफा बढाएको छ।

तर, जम्मा नाफामा भने वाणिज्य बैंक अग्रस्थानमा रहेको छ। राष्ट्रिय वाणिज्य बैंकले पाँच अर्ब ३२ करोड रुपैयाँ नाफा पुर्‍याउँदा एनआइसी एसियाको तीन अर्ब पाँच करोड रुपैयाँ नाफा रहेको छ। एनआइसीभन्दा अघि सरकारी स्वामित्व रहेको कृषि विकास बैंकले चार अर्ब ३५ रकोड रुपैयाँ नाफा कमाएको छ।

नाफा घटाउने दुई बैंक

२८ वाणिज्य बैंकमध्ये अघिल्लो आर्थिक वर्षको तुलनामा नाफा घटाउनेमा दुई वटा वाणिज्य बैंक देखिएका छन्। जसमा सेन्चुरी बैंकले अघिल्लो आर्थिक वर्षको तुलनामा पाँच करोड १४ लाख ६१ हजार रुपैयाँ नाफा घटाएको छ।

यो बैंकले आर्थिक वर्ष २०७४/७५ मा ९१ करोड २८ लाख ३३ हजार रुपैयाँ नाफा कमाएकोमा आर्थिक वर्ष २०७५/७६ मा ८६ करोड आठ लाख २२ हजार रुपैयाँ नाफा कमाएको छ।

त्यस्तै, विदेशी साझेदारीको नेपाल इन्भेष्टमेन्ट बैंकले पनि नाफा घटाकए छ। यो बैंकले अघिल्लो वर्षको तुलनामा २४ करोड ३७ लाख २० हजार रुपैयाँ नाफा घटाएको बैंकको अपरिस्कृत तथ्यांकले देखाएको छ।

यो बैंकले आर्थिक वर्ष २०७४/७५ मा तीन अर्ब ६५ करोड ९३ लाख २३ हरजार रुपैयाँ नाफा कमाएकोमा आर्थिक वर्ष २०७५/७६ मा तीन अर्ब ४१ करोड ५६ लाख तीन हजार रुपैयाँ नाफा कमाएको छ।

कुन बैंकले कति कमाए नाफा (रकम हजारमा)