खेलकुद

बंगलादेशविरुद्ध अफगानिस्तान २२४ रनले विजयी
SHARES

भदौ २३, २०७६

    अफगानिस्तानले टेस्ट म्याच क्रिकेटमा बंगलादेशलाई २२४ रनले हराउँदै ईतिहास रचेको छ। अफगानिस्तानले ठुलो टिमलाई स्तब्ध बनाएको यो पहिलो पटक हो । टेस्ट म्याचमा भने उसका लागि यो दोस्रो जित हो ।

    यसअघि अफगानिस्तानले आयरल्यान्डविरुद्ध जित निकालेको थियो । अफगानिस्तानले पहिलो पारीमा ३४२ रन र दोस्रो पारीमा २६० रन बनाएको थियो । पहिलो पारीमा रहमत साहले १२, रन बनाउँदा असगर अफगानले ९२ रन जोडे । दोस्रो पारीमा पनि असगरले ५० रन बनाउँदा इब्राहीम जर्दानले ८७ रनको योगदान गरे ।

    शाकिब अल हसनको कप्तानीमा रहेको बंगलादेशी टोलीले पहिलो पारीमा २५ रन र दोस्रो पारीमा १७३ रनमात्र बनाउन सक्यो । उसका लागि पहिलो पारीमा मुमिनल हकले सर्वाधिक ५२ तथा दोस्रो पारीमा कप्तान साकिव अल हसनले ४४ रन बनाए ।

    प्लेयर अफ दी म्याच अफगानिस्तानका कप्तान रासिद खानले बंगलादेशका ११ विकेट झारे। पहिलो पारीमा ५ जना बंगलादेशी ब्याट्सम्यानलाई पेभेलियन फर्काईदिएका राशिदले ६ विकेट दोस्रो पारीमा लिएका हुन् । टेस्ट म्याचको इतिहासमा उनी सबैभन्दा युवा कप्तान बनेका छन् । राशिदले ११ विकेटका अलावा पहिलो पारीमा ५१ रन बनाएका थिए । 

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]