समाज

पुल निर्माणको माग गर्दै बैतडीमा दुईदिनदेखि अनसन
SHARES

भदौ २३, २०७६

    बैतडी : नेपाल-भारत सीमानाका बैतडीको झुलाघाटमा मोटरेवल पुल निर्माणको लागी दवाव दिन बैतडीमा गएको दुई दिनदेखि अनिश्चितकालीन अनसन जारी रहेको  छ।  

    जिल्ला प्रसासन कार्यालय अगाडी  उद्योग बाणिज्य संघ बैतडीका अध्यक्ष नरबहादुर चन्दको सयोजकत्वमा आइतवारदेखि रिले अनसन सुरु भएको  हो। उद्योग बाणिज्य संघका अध्यक्ष चन्दको संयोजकत्वमा झुलाघाट पक्की पुल निर्माण संघर्ष समिति गठन गरि रिले अनसन जारी रहेको हो।

    झुलाघाट नाकामा पक्की पुल निर्माणका लागि बैतडीबासीले दुई दशकदेखि शान्तिपूर्ण रुपमा दबाब दिदै आएका भएपनि अहिलेसम्म पक्की पुल निर्माण हुने कुनै छाँटकाँट नदेखिएको रिले अनसन बस्नु परेको संघर्ष समितिका संयोजक चन्दले बताए।

    अनसनमा उद्योग बाणिज्य संघसँगै निर्माण ब्यवसायी संघ, यातायात ब्यवसायी संघ, रेडक्रस,पत्रकार महासंघ तथा होटेल ब्यवसायी संघले समेत ऐक्यवद्धता जनाएको छ। नेपाल तथा भारतको सिमानदी झुलाघाटमा पुल निर्माण भएमा ब्यापार तथा पर्यटन प्रवर्द्धनमा सहयोग पुग्ने भन्दै बिगत २ दशकदेखि माग राख्दै आए पनि सुनुवाई नभएकाले अनसन सुरु गरिएको हो। सीमावारपार गर्न झुलाघाटमा हाल बर्षौ पुरानो जीर्ण झोलुंगे पुलवाट गर्नु परेको छ।  

    सांसद र जनप्रतिनिधिले अनसनकारीलाई भेटे

    यसैबीच बैतडीका पूर्व सांसद तथा नेकपा केन्द्रिय सदस्य नरेन्द्र कुँवर, प्रदेशसभा सदस्यद्वय प्रेमप्रकाश भट्ट  र लीलाधर भट्टले अनसनकारीलाई भेटेका छन्। यसका साथै बैतडीको पाटन नगरपालिकाका प्रमुख केशववहादुर चन्द, शिवनाथ गाउँपालिकाका अध्यक्ष कर्ण साउँद र उपाध्यक्ष कुष्मा चन्दले पनि अनसनरतलाई भेटेका छन्।  

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]