राजनीति

पुनर्निर्माण प्राधिकरणका सिइओले बुझाए सरकारलाई स्पष्टीकरण

पुस २०, २०७३

    काठमाडौं : राष्ट्रिय पुनर्निर्माण प्राधिकरणका प्रमुख कार्यकारी अधिकृत सुशील ज्ञवालीले सरकारले सोधेको स्पष्टीकरणको जवाफ दिएका छन्। प्रमुख कार्यकारी अधिकृत सुशील ज्ञवालीलाई पुस १४ गते सरकारले कार्य शैलीमाथि प्रश्नचिन्ह उठाउँदै ७ दिन भित्र स्पष्टिकरण दिन पत्राचार गरेको थियो। 

    सोही स्पष्टिकरणको जवाफ ज्ञवालीले बुधबार प्रधानमन्त्री तथा मन्त्री परिषदको कार्यालयमा बुझाएका हुन्। प्रमुख कार्यकारी अधिकृत ज्ञवालीले १२ पृष्ठ लामो आफ्नो स्पष्टिकरण प्रधानमन्त्री कार्यालयका सचिव सचिव दिनेशकुमार थपलियालाई बुझाएका हुन्।

    पत्र बुझाई बाहिरिने क्रममा पत्रकारलाई संक्षिप्त प्रतिक्रिया दिँदै उनले सरकारले मागे अनुसारको स्पष्टिकरण तोकिएको समय भित्रै दिइएको बताए। 'समयभित्रैमा सरकारको जिज्ञासाको जवाफ दिएको छु', ज्ञवालीले भने।

    ज्ञवालीले दिएको स्पष्टिकरणमा सरकारले असहयोग गरेका कारण आफूले समयमा काम गर्न नसकेको उल्लेख गरिएको छ। जनशक्ति माग भएकोमा सामान्य प्रशासन मन्त्रालयले सहयोग नगरेको र बजेट समयमै उपलब्ध गराउन अर्थ मन्त्रालय तयार नहुँदा काममा ढिलाई हुन गएको स्पष्टिकरण पत्रमा उल्लेख छ।

    सरकारले पुनर्निर्माणको कामलाई ढिलाई हुनुमा प्रमुख कार्यकारी अधिकृत ज्ञवालीको कार्यशैलीलाई दोष दिँदै स्पष्टिकरण सोधेको थियो। राष्ट्रिय पुनर्निर्माण प्राधिकरणले स्थानीय निकायमा जनप्रतिनिधि नहुँदा पनि कार्य सम्पादनमा ढिलाई हुँदै आएको स्पष्टिकरण दिँदै आएको छ।

    ज्ञवालीलाई केपी ओली नेतृत्वको सरकारले प्रमुख कार्यकारी अधिकृतमा नियुक्त गरेको हो।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
बिज्ञापनः ad@thahakhabar.com
फोन : ९७७-१- ४७८६५६२

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]