सुर्खेत : सुर्खेतमा एकजना १३ वर्षीया किशोरीलाई सामूहिक बलात्कार गरेको आरोपमा ७ जनालाई प्रहरीले पक्राउ गरेको छ।
किशोरी बलात्कारको आरोपमा विरेन्द्रनगर नगरपालिका ३ बस्ने २३ वर्षीय लालबहादुर रावत, १९ वर्षीय महेश हमाल, १९ वर्षीय तर्क रिजाल, १८ वर्षीय सदिप खड्का, वडा नम्बर ४ का २३ वर्षीय धनबहादुर खत्री, बराहताल गाउँपालिका २ का २३ वर्षीय रोशन वली र २१ वर्षीय नरेश बुढा रहेका छन्।
अन्य केही फरार रहेकोले अभियुक्तको खोजी तीव्र पारेको जिप्रका सुर्खेतले जनाएको छ। जिल्ला प्रहरी कार्यालयका अनुसार यही असोज १५, १६ र २३ गते उनी बलात्कारमा परेकी हुन्। समूहमा किशोरीलाई पटक पटक करणी गरिएको जाहेरी जिल्ला प्रहरी कार्यालय सुर्खेतमा परेको छ।
किशोरीले जाहेरी दिएपछि जिल्ला प्रहरी कार्यालय सुर्खेतले ७ जनालाई नियन्त्रणमा लिई अदालतबाट म्याद थप गरी अनुसन्धान शुरु गरिएको छ। घटनाको विस्तृत विवरण अनुसन्धानपछि थाहा हुने सुर्खेत प्रहरीका डिएसपी रवि रावलले बताए छ।
तपाईंको ईमेल गोप्य राखिनेछ ।