|

तनहुँ : संस्कृति, पर्यटन तथा नागरिक उड्डयनमन्त्री योगेशकुमार भट्टराईले भ्रमण वर्ष सन्  २०२० मा २० लाख पर्यटक भित्र्याउने गरी अभियान अगाडि बढाएको बताए।

कावासोती नगरपालिका १५ मा तराई भूपरिधि (ताल) परियोजना र कावासोती नगरपालिकाद्वारा निर्मित मुसहर सुरक्षित आवास कार्यक्रमअन्तर्गत घर हस्तान्तरण तथा घरबास (होम स्टे) उद्घाटन कार्यक्रममा मन्त्री भट्टराईले हाल करिब १३ लाख पर्यटक नेपाल भित्रिएको जानकारी दिए। उनले घरबासको स्तर वृद्धि गर्नका लागि आग्रह गरे।

मन्त्री भट्टराईले स्थानीय उत्पादन प्रयोगमा जोड दिनुपर्नेमा पनि जोड दिए।

'घरबासले स्थानीय उत्पादन र संस्कृति संरक्षणमा सहयोग पुर्‍याएको छ। यसलाई थप व्यवस्थित बनाउन स्थानीय उत्पादनमा जोड दिनुपर्छ', मन्त्री भट्टराईले भने। उनले गौतमबुद्ध अन्तर्राष्ट्रिय विमानस्थल सञ्चालन र भरतपुर विमानस्थलको विस्तारले बाह्य पर्यटक बढाउन मद्दत पुगेको बताए। सो अवसरमा मन्त्री भट्टराईले बोटे समुदायद्वारा सञ्चालित घरबासको उद्घाटन पनि गरे।

तराई भूपरिधि कार्यक्रमले कावासोती १५ मा सुरक्षित आवास कार्यक्रमअन्तर्गत २२ घर तथा कावासोती नगरपालिकाले १४ घर निर्माण गरिएको छ।

सम्वन्धित समाचार

तपाईको प्रतिक्रिया दिनुहोस्

तपाईंको ईमेल गोप्य राखिनेछ ।
This site is protected by reCAPTCHA and the Google Privacy Policy and Terms of Service apply.