काठमाडौं : नेपाली कांग्रेसका प्रवक्ता विश्वप्रकाश शर्माले भारतीय अतिक्रमणमा परेको कालापानी क्षेत्रबारे प्रधानमन्त्री केपी शर्मा ओलीको अभिव्यत्ति मिडिया खपतका लागि मात्रै आएको बताएका छन्।
उपनिर्वाचनका सन्दर्भमा पार्टी कार्यालय सानेपामा मंगलबार आयेजित पत्रकार सम्मेलनमा बोल्दै प्रवक्ता शर्माले आफ्नो भूगोल मिचिएको सन्दर्भमा सरकारले कूटनीतिक पहल नगरेको अर्को आरोप पनि लगाए।
‘भारतीय सेनालाई कालापानीबाट फर्काएर पठाउनुपर्छ। यसबारेमा सशक्त प्रतिपक्षी भएर नेपाली कांग्रेसले पनि बोलेको छ’, उनले भने, ‘तर प्रधानमन्त्रीले मिडिया खपतका लागि मात्रै बोलेका छन्। सरकारले अझैसम्म कूटनीतिक पहल अघि बढाएको छैन।
नेपाली कांग्रेस लामो समय सत्तामा हुँदा पनि बोल्न नसक्नुको कारण आन्तरिक समस्या भएको स्पष्टीकरण उनले दिए । ‘देश लामो समय आन्तरिक समस्यामा फसेकाले हामी सत्तामा रहँदा बोल्न चुकेका हौँ’, उनले भने, ‘अहिले यसबारेमा राष्ट्रिय एकता छ। कांग्रेसले पनि सरकारलाई साथ दिएकाले अतिक्रमित भूमिबाट भारतीय सेना फर्काउन सरकारले कदम चाल्नुपर्छ।’
भिडियो
भारतसँग वार्ता नथालेकोमा कांग्रेसको आपत्ति, विश्वप्रकास भन्छन् : कालापानीबारे प्रधानमन्त्रीको टिप्पणी मिडिया खपतका लागि मात्रhttps://t.co/FQY0TSkcsV pic.twitter.com/uadxcdNa6g
— Thaha Khabar (@ThahaKhabar) November 19, 2019
तपाईंको ईमेल गोप्य राखिनेछ ।