रौतहट : पूर्व–पश्चिम राजमार्गअन्तर्गत रौतहटको लमाहामा सवारी दुर्गघटनामा परी पाँचजना प्रहरीसहित छजना घाइते भएका छन्।
जिल्ला प्रहरी कार्यालय रौतहटमा कार्यरत चारजना असई, एक सिपाही र एकजना मानसिक सन्तुलन गुमाएकी महिला घाइते भएको इलाका प्रहरी कार्यालय चन्द्रनिगाहपुरका प्रहरी नायब उपरीक्षक हेमबहादुर शाहीले जानकारी दिए।
आइतबार बिहान पौने ५ बजे पथलैयामा प्रहरी महानिरीक्षक ठाकुरप्रसाद ज्ञवालीको ब्रिफिङमा जाने क्रममा ना १ झ १३३१ नम्बरको प्रहरीको गाडीलाई विपरीत दिशाबाट आएको ना ६ ख ८६२५ नम्बरको ट्रकले ठक्कर दिएको प्रहरीले जनाएको छ।
दुर्घटनामा असई गोबिन्द राय यादव, मनोजकुमार सिह, विश्वानाथ प्रसाद यादव, हृदयप्रसाद यादव र सिपाही सरोजकुमार यादव घाइते भएका छन्। यसैगरी करिब ३५ वर्षकी महिला पनि घाइते भएकी छिन्। उनीहरुको चन्द्रपुर अस्पतालमा उपचार भइरहेको इलाका प्रहरी कार्यालय चन्द्रनिगाहपुरका हबल्दार सोम चौलागाईले जानकारी दिए।
तपाईंको ईमेल गोप्य राखिनेछ ।