स्वास्थ्य

कोरोना भाइरस संक्रमित भनिएका वीरगञ्जका व्यापारीको रिपोर्ट 'नेगेटिभ'

चैत ९, २०७६

    वीरगञ्ज : नोभल कोरोना भाइरस संक्रमित भनिएका पर्साको वीरगञ्जका एकजना व्यापारीको स्वास्थ्य रिपोर्ट नेगेटिभ आएको छ। 

    कोभिड-१९ (कोरोना भाइरस) संक्रमण भएको आशंकामा भारतको बिहार राज्यस्थित पटना मेडिकल कलेजमा भर्ना भएका वीरगन्ज निवासी ६७ वर्षीया व्यापारी  शिवकुमार रुंगटाको स्वास्थ्य रिपोर्टमा कोरोना संक्रमण नेगेटिभ पाइएको हो। 

    बिहारस्थित पटना मेडिकल कलेज अस्पतालले आइतबार साँझ रुंगटाको परिवारलाई उपलब्ध गराएको स्वाब र रगतको नमूना परीक्षण नतिजामा कोरोना संक्रमण नेगेटिभ पाइएको हो। 

    भारतको दिल्लीबाट केही दिनअघि मात्र वीरगन्ज आइपुगेका रुंगटा बिरामी भएपछि थप उपचारका लागि पटना लगिएको थियो। उनको र्‍याल (पीसीआर) को रिपोर्ट आएपछि कोरोना नेगेटिभ देखिएको हो। 

    नेपालस्थित केही सञ्चारमाध्यमले पटना मेडिकल कलेजमा उपचाररत रुंगटामा कोरोना पोजेटिभ देखिएको समाचार प्रसारण गरेपछि देश नै तरंगित भएको थियो। यो समाचारका कारण नेपालमा पनि कोरोना भित्रिएको भन्दै जनजीवन आतंकित भएको थियो। 

    बिरामी काकाको उपचारका लागि बिहार पुगेका उनका भतिजा आकाश रुगंटाले पनि यसको पुष्टि गरेका छन्। रुंगटाको पटनामा उपचार भइरहेको वीरगञ्ज महानगरपालिका मेयर विजय सरावगीले जानकारी दिएका छन्।  

तुलसी भण्डारी

भण्डारी थाहा खबरका पर्सा समाचारदाता हुन्।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]