समाज

गुल्मी अदालतमा सात महिनामै सम्बन्ध-विच्छेदका १७४ वटा मुद्दा दर्ता

चैत १७, २०७६

    गुल्मी : चालू आर्थिक बर्षको सात महिनाभित्रै गुल्मी जिल्ला अदालतमा सम्बन्ध-विच्‍छेदका १७४ वटा मुद्दा दर्ता भएका छन्। गुल्मी अदालतका श्रेस्तेदार कृष्णशरण लामिछानेका अनुसार चैत ६ गतेसम्म १२४ जना महिला र ५० जना पूरुषहरूले 'सम्बन्ध-विच्‍छेद गरि पाउँ' भनि अदालतमा मुद्दा दर्ता गराएका छन्‌।

    अदालतका अनुसार यसअघि सम्बन्ध-विच्छेदका महिलाहरूको मुद्दा बढी आउने गरेपनि पछिल्लो समयमा पूरुषले पनि सम्बन्ध-विच्‍छेदका लागि मुद्दा दायर गर्ने क्रम बढेको छ। नयाँ मुलुकी ऐन संहिता, २०७४ मा पुरुषले पनि सम्बन्ध-विच्‍छेदका लागि मुद्दा दर्ता गराउनसक्ने प्रावधान राखिएको छ।

    दाम्पत्य जीवनमा तनाव ब्यहोरेका र समस्या भोगेका पुरूषहरूले सोही प्रावधानअनुसार अदालतमा सम्बन्ध-विच्‍छेदका लागि मुद्दा दर्ता गराउन थालेका छन्‌। जिल्ला अदालतमा दर्ता भएका कूल मुद्दामध्ये करिब दूई तिहाई मुद्दा सम्बन्ध-विच्‍छेदसँग सम्बन्धित भएको श्रेष्तेदार लामिछानेले जानकारी दिए ।

    महिला आफैं सम्बन्ध विच्छेदका लागि मुद्दा लिएर आउँदा श्रीमान्‌ले अर्की महिलासँग सम्बन्ध राखेको, आफनो दायित्व र कर्तव्य पूरा नगरेको, पैसा कमाएर अरूसँगै रमाई बालबच्चा र घरपरिवारलाई वास्ता नगरेका जस्ता समस्या उल्लेख गर्ने गरेका छन्‌। यस्तै, पुरुषहरुले पनि आफ्नी श्रीमती परपुरूषसँग लागेको, विश्वासको संकट भएको र दायित्व पूरा नगरेकोजस्ता विषयलाई सम्बन्ध विच्छेद चाहनुको कारण उल्लेख गर्ने गरेका छन्‌।

    सम्बन्ध-विच्छेदका लागि पुरूष र महिलाले उल्लेख गरेका कारणहरू विश्लेषण गर्दा महिला पूरुष दुबैले आ-आफनो दायित्व र कर्तव्य पूरा नगरेको, एकआपसमा विश्वासको संकट बढ्दै जाने गरेको र सम्बन्ध बिगारिदिन चाहने कुरौटेहरू हावी हुने गरेको देखिएको अदालतका अधिकारीहरू बताउँछन्‌।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]