समाज

लकडाउनलाई सफल बनाउन युवाहरुको सक्रियता, सडकमा तगारो

चैत २६, २०७६

    लमजुङ : कोरोना भाइरसको सम्भावित संक्रमणको रोकथामका लागि सरकारले गरेको लकडाउनलाई सफल बनाउन ग्रामीण भेगका युवाहरु सक्रिय रुपमा लागेको छन्। उनले गाउँ प्रवेश गर्ने बाटो, सडकमा तगारो हालेका छन्।

    लकडाउनमा पनि अटेर गरी गाउँमा बाहिरबाट अपरिचित व्यक्तिहरु आउने गरेको भन्दै युवाहरुले गाउँ प्रवेश गर्ने मुल बाटोमै तगारो हालेका हुन्। कतिपय स्थानमा रुख ढालेरै आवातजावतमा रोक लगाएका छन्।

    बेसीशहर नगरपालिका–२ स्थित कालिका युवा क्लब र कालिका स्काई क्लबले गाउँ प्रवेश गर्ने सडकमा रुख ढालेर बाटो बन्द गरेका छन्। क्लबले वडा नम्बर २ चिसापानी हुँदै सुन्दरबजार गहेत जाने बाटो बन्द गरेका हुन्। लकडाउने समयमा गाउँमा अपरिचित व्यक्तिहरु आउने क्रम बढ्पछि तगारो हाल्न बाध्य भएको चिसापनीका स्थानीय हिरासिंह गुरुङले बताए।

    उत्तरी लमजुङस्थित मर्स्याङदी गाउँपालिकामा बाहुनडाँडा, ठूलीबेसीलगायतका स्थानीयले पनि गाउँमा बाहिरी व्यक्ति प्रवेशमा रोक लगाउन मुख्य बाटोमा तगारो राखेका छन्। 

    विश्वव्यापी महामारीको रुप लिइरहेको कोरोना भाइरस (कोभिड १९)को संक्रमणबाट बच्न र बचाउन आवतजावतमा रोक लगाउन बाटोमै तगारो राखेको उनीहरुको भनाइ छ।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]