निर्देशिका बनाउँदा आफूसँग ‘समन्वय नगरिएको’ र आफूलाई ‘पूर्णतः बाइपास गरिएको’ ले राजीनामा दिएको पौडेलले थाहाखबरलाई बताएका थिए। अनलाइनखबर, रातोपाटी, हिमालखबर, नयाँपेज, हाम्राकुरा, लोकान्तर लगायत धेरै अनलाइन पोर्टलसँग पनि उनले निर्देशिका बनाउँदा आफूसँग समन्वय नगरिएकोले राजीनामा दिएको बताएका थिए। 

तर उनको यो दाबी झुटो ठहरिएको छ।

मन्त्रिपरिषदले गत जेठ ३१ गते अनलाइन सञ्चारमाध्यम सञ्चालन निर्देशिका २०७३ जारी गरेको थियो। सरकारले निर्देशिका जारी गरेको भोलिपल्ट सञ्चार मन्त्रालयका सल्लाहकार पौडेलले माइक्रोब्लगिङ ट्विटरमा निर्देशिकाको पक्षमा लेखेका छन्।

निर्देशिका जारी भएको भोलिपल्ट उनले गरेका ट्विटः

अनलाइन पत्रकारितालाइ जिम्मेवार,मर्यादित र प्रेस काउन्सिलको दायरामा ल्याउन सरकारले निर्देशिका पारित गरेकोछ!अब ब्लग र अनलाइन पत्रिका छुट्टिन्छ

— Matrika Poudel (@matrikas) June 14, 2016

सूचना बिभागमा दर्ता भएको अनलाइनले मात्र सरकारी सुबिधा सहित सबै कानुन पत्रपत्रिका सरह लाग्नेछ,ब्लगहरुको सन्दर्भमा cyber law आकर्षित हुन्छ

— Matrika Poudel (@matrikas) June 14, 2016

जारी भएको १० दिनपछिमात्र निर्देशिका बनाउँदा आफूसँग समन्वय नगरिएकोले राजीनामा दिएको भन्ने पौडेलको दाबी निर्देशिका जारी भएको भोलिपल्ट उनले गरेका ट्विटले नै खण्डन गरेनन् र?