काठमाडौं : पश्चिमी र स्थानीय वायुको आंशिक प्रभावका कारण सुदूरपश्चिम प्रदेश लगायत देशका पहाडी भूभागमा अहिले आंशिक बदली छ। बाँकी भूभाग...
हुरीमा ज्यान गुमाउनेप्रति प्रधानमन्त्रीद्वारा शोक व्यक्त, उद्दारमा लाग्न निर्देश
प्रधानमन्त्री ओली, फाइल फोटो
चैत १७, २०७५
काठमाडौं : प्रदेश २ का बारा र पर्सा जिल्लामा तीव्र गतिको हुरीबाट मृत्यु भएकाहरूप्रति प्रधानमन्त्री केपी शर्मा ओलीले शोक व्यक्त गरेका छन।
प्रधानमन्त्री ओलीले आइतबार साँझ दुई जिल्लामा आएको हुरीमा परेर ज्यान गुमाउनेहरूप्रति शोक व्यक्त गरेका हुन। उनले मृतकका परिवारलाई समवेदना व्यक्त गरेका छन् भने घाइतेहरूको शीघ्र स्वास्थ्यलाभको कामना गरेका छन।
सामाजिक संजाल ट्विटर मार्फत प्रधानमन्त्रीले बारा र पर्सामा ठूलो धनजनको क्षति भएको जानकारीमा आएको र उद्दारका लागि सुरक्षाकर्मी खटाइसकिएको उल्लेख गरेका छन। उनले लेखेका छन, ‘उद्दारमा गम्भीर हुन र घाइतेको उपचारमा कुनै कमी आउन नदिन निर्देशित गरिएको छ।’
बारा/पर्सा जिल्लाको केही स्थानमा अहिले सॉझ आएको डरलाग्दो ऑधि/हुरीबाट धनजनको अकल्पनीय क्षति भएको जानकारीमा आएकोछ। यस आकस्मिक क्षतिप्रति गहिरो दु:ख व्यक्त गर्दछु। उद्दारमा सुरक्षाकर्मीहरू परिचालित भईसकेका छन्।उद्दारमा गंभीर हुन र घाईतेको उपचारमा कुनै कमी आउन नदिन निर्देशित गरिएकोछ।
— K P Sharma Oli (@kpsharmaoli) March 31, 2019
हालसम्म २५ जनाको ज्यान गएको र करीब ४०० घाईते भएको जानकारीमा आएकोछ। मृत्युबरण गर्नेहरूप्रति शोकव्यक्त गर्दछु। र, शोकाकुल परिवारजनमा गहिरो समवेदना प्रकट गर्दछु ।
— K P Sharma Oli (@kpsharmaoli) March 31, 2019
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।