डडेल्धुरा : डडेल्धुरामा कार दुर्घटना हुँदा एकजनाको मृत्यु भएको छ। मृत्यु हुनेमा अमरगढी नगरपालिका–७ का अन्दाजी ६० वर्षीय केशव भट्ट...
दुई फरार अभियुक्त १६ वर्षपछि समातिए
असार १६, २०७३
पर्सा : कर्तव्य ज्यान मुद्दामा १६ वर्षदेखि फरार रहेका दुई जना अभियुक्तलाई विशेष सूचनाको आधारमा प्रहरीले पक्राउ गरेको छ।
पर्साको सुर्जाहा गाविस–८ निवासी प्रभु सहनी मलाहको हत्याको अभियोगमा १६ वर्षदेखि फरार रहँदै आएका सुर्जाहा–८ कै दशई सहनी मलाह र नन्दलाल सहनी मलाहलाई प्रहरीले गए राति उनकै घरबाट पक्राउ गरेको छ।
सहनी हत्याको अभियोगमा फरार रहेका अभियुक्तद्वय दशई र नन्दलाल घरमा लुकीछिपी बसेको सूचनाको आधारमा दुवै जनालाई पक्राउ गर्न सफल भएको जिल्ला प्रहरी कार्यालय पर्साका प्रवक्ता प्रहरी नायब उपरीक्षक होबेन्द्र बोगटीले जानकारी दिए।
ती दुई अभियुक्त प्रभु सहनीको हत्यापछि भारतका सीमावर्ती क्षेत्रमा लुक्दै बस्दै आएका थिए। घरमा सुतिरहेका प्रभु सहनीको २०५७ साल भदौ १० गते गोली हानी हत्या गरेको अभियोगमा दशई र नन्दलाल विगत १६ वर्षदेखि फरार रहँदै आएको उपरीक्षक बोगटीले जानकारी दिए।
पक्राउ परेका दुवै जनालाई जिल्ला प्रहरी कार्यालय पर्सामा राखी आवश्यक अनुसन्धान भइरहेको छ भने कर्तव्य ज्यान मुद्दामा दुवै जनालाई जिल्ला अदालतमा उपस्थित गराउने तयारी समेत भएको प्रवक्ता बोगटीले बताए।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।