अर्थ

लिम्चुङबुङमा कागती र सुन्तलाका २३ हजार बिरुवा वितरण

असार २९, २०७७

    उदयपुर : उदयपुरको लिम्चुङबुङ गाउँपालिकाले स्थानीय किसानहरूलाई सुन्तला र कागतीका २३ हजारभन्दा बढी बिरुवा नि:शुल्क वितरण गरेको छ। ८ हजार ५०० सुन्तला र १४ हजार ५०० कागतीको बिरुवा वितरण गरिएको गाउँपालिकाका कृषि शाखाप्रमुख गगन राईले जानकारी दिए।

    बन्दाबन्दीको समयमा समेत धनकुटाबाट बिरुवा ल्याएर पालिकाले ५ वटै वडाहरू वितरण गरेको हो। सुन्तला र कागतीको पकेट क्षेत्रको आधारमा बिरुवा वितरण गरिएको र किसानलाई मापदण्ड अनुसार खाडल खन्न र मल राख्न लगाइएको राईले बताए। उनका अनुसार किसानलाई वितरण गरिएको सुन्तला-कागतीको बिरुवा लगाइएका क्षेत्रमा गाउँपालिकाले निरन्तर अनुगमनसमेत गर्नेछ।

    गाउँपालिकालाई कृषि विकासका लागि विशेष प्राथमिकतामा राखेर अध्यक्ष कृषि कार्यक्रम समेत संचालन गरिएको र कृषि क्षेत्रबाटै पालिकालाई सम्पन्न गराउने गाउँपालिका अध्यक्ष मेजर राईले बताए। अब लिम्चुङबुङ गाउँपालिका कागती र सुन्तलाको लागि पकेट क्षेत्र समेत बन्ने उनको दाबी छ। किसानले उत्पादन गरेको सुन्तला, कागतीले बजार नपाए पालिकाले खरिद गरिदिने अध्यक्ष राईको भनाई छ।

    पालिकाका किसानको आवश्यकता र माग अनुसार बिरुवा वितरण गरिएको लिम्चुङबुङ-५, जातेकी कृषि प्रावधिक शान्ता खड्काले जानकारी दिइन्। बाहिर एउटा बिरुवा बराबर सय रुपैयाँ पर्ने र सहजै रुपमा किन्न समेत नपाइएको अवस्थामा पालिकाले बिरुवा नि:शुल्क वितरण गर्दा ठूलो राहत गरेको स्थानीय किसान भुपाल कार्कीले बताए।

    गाउँपालिकाको जाते, बलम्ता र ताम्लिछामा कागती-सुन्तलाको पकेट क्षेत्रका रुपमा रहेको लिम्चुङबुङ गाउँपालिकाका प्रवक्ता केशर कुमार खड्काले बताए। गाउँपालिकाले १० लाख रुपैयाँ मुल्य बराबरको बिरुवा खरिद गरेको जनाएको छ।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]