काठमाडौं : रसुवा नाकामा नेपाली व्यवसायीको सामान अलपत्र परेकाले ठूलो नोक्सान भएको पूर्वप्रधानमन्त्री तथा जसपाका नेता डा. बाबुराम भट्टराईले बताएका छन्। मंगलबार राष्ट्रिय व्यावसायी महासंघका प्रतिनिधिले उनलाई भेटेर ज्ञापन पत्र बुझाएका थिए।
सामाजिक सञ्जाल ट्वीटरमा भट्टराइले भनेका छन,' व्यवसायीहरु हारगुहार गर्दै यत्रतत्र कुदिरहेका छन्। सरकार किन कानमा तेल हालेर बसेका छन्।'
छिमेकी चीनबाट आयात हुन लागेका बीस अर्ब बढी मूल्यका सामान सहितको कन्टेनर ६ महिना बढी समयदेखि सीमानामा अलपत्र परेको उनको भनाइ छ। उनका अनुसार चाडबाडका मुखमा ठूलो असुविधा र नोक्सान भएको छ।
छिमेकी चीनबाट आयात हुन लागेका बीस अर्ब बढी मूल्यका सामान सहितका कन्टेनर ६महिना बढी समयदेखि सीमानामा अलपत्र भएर बसेकाले नेपाली व्यवसायीहरूलाई आसन्न चाडबाडको मुखमा ठूलो असुविधा र नोक्सान भैरहेको छ।व्यवसायीहरू हारगुहार गर्दै यत्रतत्र कुदिरहेछन्!सरकार किन कानमा तेल हालेर बसेको हो? pic.twitter.com/I2v5EBDLcZ
— Baburam Bhattarai (@brb1954) September 22, 2020
तपाईंको ईमेल गोप्य राखिनेछ ।