काठमाडौं : पछिल्लो २४ घण्टामा कोभिड संक्रमणको कारण ३ महिला सहित ६ जनाको मृत्यु भएको छ।
मोरङको ६० वर्षीय महिला र ५५ वर्षीय पुरुषको मृत्यु, सप्तरीको ७० वर्षीय पुरुष, ललितपुरको ५१ वर्षीय पुरुष, काठमाडौं ७५ वर्षीय महिला र कपिलवस्तुकी ७० वर्षीय महिलाको मृत्यु भएको हो।
स्वास्थ्य मन्त्रालयको नियमित प्रेस ब्रिफिङमा आजसम्म निधन हुनेको ४ सय ५९ पुगेको प्रवक्ता प्राडा. जागेश्वर गौतमले जानकारी दिए। १ हजार ३ सय १३ जनामा कोरोना संक्रमण पुष्टि भएको गौतमले बताएका हुन्। देशभर सक्रिय संक्रमितको संख्या १८ हजार २८९ रहेको छ।
मन्त्रालयका अनुसार संस्थागत आइसोलेसनमा ८ हजार २ सय १३ जना रहेका छन्। २४ घण्टामा १२ हजार २ सय ६२ पिसिआर परीक्षण भएको छ। मन्त्रालयका प्रवक्ता गौतमका अनुसार हालसम्म सरकारले ८ लाख ६ हजार ८१८५ पिसिआर परीक्षण गरेको छ।
पछिल्लो २४ घण्टामा ६ हजार ८ सय ४६४ जना मानिस क्वारेन्टाइनमा छन्। हालसम्म देशभरबाट ५१ हजार ८६६ जना कोरोना संक्रमित निको भएर डिस्चार्ज भइसकेका छन्।
तपाईंको ईमेल गोप्य राखिनेछ ।