काठमाडाैं : नेपाली कांग्रेसका वरिष्ठ नेता रामचन्द्र पौडेल र महामन्त्री शशांक कोइरालासहित २७ जना नेताले पार्टी सभापति शेरबहादुर देवाद्वारा पार्टीमा अवैधानिक गतिबिधि गरेको दाबी गर्दै त्यस्ता निर्णय खारेज गर्न माग गरेका छन्।
आज पार्टी कार्यालयका मुख्यसचिव कृष्ण प्रसाद पौडेललाई विरोध पत्र बुझाउँदै उनीहरुले देउवालाई घेराबन्दी गरेका हुन्। तर, पौडेल पक्षले हस्ताक्षर गरेर बुझाएको पत्रमा सिटौला पक्षले हस्ताक्षर गरेको छैन।
पौडेल पक्षका नेता नवीन्द्रराज जोशी नेतृत्वको टोलीले पत्र दर्ता गरी पार्टी मुख्यालय सानेपाका मुख्यसचिव कृष्णप्रसाद पौडेललाई पत्र बुझाएको हो।
पौडेल समूहले सभापति शेरबहादुर देउवाले महाधिवेशनलाई प्रभावित पार्न विधान विपरीतका निर्णय गरेको भन्दै तिनलाई सच्याउन माग राखेर विरोधपत्र दर्ता गर्न गरेको हो।
पौडेल पक्षले आगामी असोज १९ गते केन्द्रीय समितिको बैठक अघि विधान मिचेर विस्तार गरेको विभाग खारेज गर्न, सदस्यता वितरण एकलौटी नगर्न र गरेको सच्याउन देउवालाई अल्टिमेटम दिएको छ। १९ गतेसम्म पनि नसच्चिए चरणवद्ध विरोधको कार्यक्रम गर्ने जनाएको छ।
विरोधपत्र
तपाईंको ईमेल गोप्य राखिनेछ ।