काठमाडौं : आईपीएल क्रिकेटमा सनराइजर्स हैदरावादले राजस्थान रोयल्सलाई आठ विकेटले पराजित गरेको छ।
राजस्थानले दिएको १५५ रनको सामन्य लक्ष्य पछ्याएको हैदरावादले १८ दशमलव १ ओभरमा दुई विकेट गुमाउँदै भेट्टाएको हो। हैदरावादको जितका लागि मनिस पाण्डेय र विजय शंकरले अर्धशतकीय पारी खेले। पाण्डेय र शंकरले १४० रनको साझेदारी गरे। पाण्डेयले ४७ बलमा चार चौका र ८ छक्का प्रहार गर्दै ८३ रनको अर्धशतकीय पारी खेलेका हुन्।
त्यस्तै शंकरले ५२ रनको अर्धशतकीय पारी खेले। उनले ५१ बलमा ६ चौकाको मद्दतमा ५२ रनको अविजित अर्धशतकीय पारी खेले। हैदरावादका दुबै विकेट जोफ्रा आर्चरले लिएका थिए।
यसअघि टस हारेर पहिले ब्याटिङको निम्तो पाएको राजस्थानले निर्धारित २० ओभरमा ६ विकेट गुमाएर १५४ रन जोडेको थियो। राजस्थानका लागि सन्जु सामसनले सर्वाधिक ३६ रन जोडे। त्यस्तै ओपनर ब्याट्सम्यान बेन स्टोक्सले ३२ बलमा दुई चौकाको मद्दतमा ३० रनको योगदान दिए। बलिङतर्फ हैदराबदका जेसन होल्डरले तीन विकेट लिए। त्यस्तै विजय शंकर र रसिद खानले एक एक विकेट लिए।
जितसँगै हैदराबादले १० खेल खेल्दै चारमा जित निकालेको छ। ६ खेल गुमाएको हैदाबाद ८ अंक सहित तालिकाको पाँचौ स्थानमा छ। राजस्थानको भने ११ खेलबाट चार खेलमा जित निकाल्दै ८ अंक जोडेर तालिकाको सातौं स्थानमा छ।
तपाईंको ईमेल गोप्य राखिनेछ ।