बेलायती प्रहरीले दक्षिण लण्डनमा एक नयाँ बेहुलीलाई विवाहमा कोभिड–१९ नियन्त्रण उपाय उल्लंघन गरेको आरोपमा १३ हजार अमेरिकी डलर जरिवाना गरेको छ।
प्रहरीले विवाहमा सहभागी करिब २ सय पाहुनालाई नियम उल्लंघन गरी विवाहमा सम्लग्न भएको भन्दै घर फिर्ता गरिदिएको लण्डनबाट प्रकाशित इभ्निङ स्ट्याण्डर्ड दैनिक पत्रिकाले आइतबार उल्लेख गरेको छ।
विवाहमा निम्ता दिएकी ती महिलालाई प्रहरीले पक्राउ गरी १३ हजार अमेरिकी जरिवानासम्म तिर्नेगरी धरौटीमा रिहा गरेको छ।
प्रहरीले आफूहरूलाई स्थानीय बासिन्दाले विवाहमा कोभिड–१९ नियन्त्रणका लागि तय गरेको नियम उल्लंघन गरेको भनी सूचना गरेपछि छापा मारेको थियो।
विवाहमा दुलही र एक अन्य व्यक्तिलाई कोरोना भाइरस नियन्त्रण कानुनअनुसार जरिवाना हुन सक्ने बताइएको छ।
पत्रिकाले जासुस प्रहरी सुपरिन्टेन्डेन्ट निक्की आरोस्मिथलाई उद्धृत गरी भनेको छ, 'यो घटना कोभिड–१९ कानुनको जानाजानी उल्लंघन भएको र यसका कारण सङ्क्रमण फैलिन सम्भावना थप हुने भएकोले उनलाई जरिवाना गर्न सिफारिस गरिएको छ।'
विवाहमा २०० भन्दा बढी मानिस सहभागी भएका कारण यसले सामाजिक दूरी कायम नगरेको देखिएकोले जरिवानाका लागि सिफारिस गरिएको उनको भनाइ छ।
तपाईंको ईमेल गोप्य राखिनेछ ।